2015年6月21日 星期日

中華廚藝學院 - 明日之星集中地



中華廚藝學院,是個環境優美,作育英才的好地方。現今不少業界精英,如文華酒店的李文星師傅,雲來軒的老闆黃亞保師傅,也曾在這裡進修過。

78樓的中西餐廳,均是行嚴格會員制度,同是給予學生實習的實戰場地。

這天筆者在7樓的西餐廳吃午飯,雖然同桌的全是香港人,但學生亦唔會等埋發叔,自動自覺以英語去介紹餐牌的食品,以及飲品,值得鼓勵。



落單後,奉上麵包籃,各式各樣的麵包,賣相唔錯,尤其喜歡香蔥包,同埋Grissini都算係咁。


學生向我們推介特飲,未有名字,大概是雪梨、菠蘿和西瓜汁的混合體,據知是學生親自研發出來的,要支持下。


頭盤三選一,個人的選擇,是「立魚」。幾片立魚柳,配以芹菜頭絲、青瓜及蕃茄乾等作點綴,賣相合格。灑上了薑汁和青檸汁,去作調味,只是烹調魚的火侯,仍有待改善。


是日的湯品有兩款選擇,分別是芹菜湯,與及牛清湯,挑了後者。湯色是清徹的,喝下去亦不失牛的味道,當然不能跟Caprice,或者Petrus的去相比,但已經收貨了。


主菜方面,得知其中之一是威靈頓牛,便不作他選。呢道菜色,控制火侯是最大關鍵。這裡的出品,大致都可以,起碼沒有過火,肉質仍算鬆化,不作太多投訴了吧。


甜品時間,朱古力慕絲似模似樣,口感比預期中優勝,朱味濃郁,是整頓午餐最合心的了。


呷一口咖啡,嘆著Petit fours,忙裡偷閑,寫意。


* 以手機拍的照片,由於技術欠佳,加上燈光問題,這篇的相片慘不忍睹,請多多包涵。

餐廳資料:
中華廚藝學院
薄扶林薄扶林道145號薄扶林訓練中心綜合大樓7樓

7 則留言:

  1. 賣相好好吖,值得鼓勵!! :)

    我哋今朝出街塞咗兩粒幾鐘車,都有懷疑前面係咪等緊發叔所以先咁塞車。XD

    回覆刪除
    回覆
    1. 連外國人都識發叔啦...哈哈哈~

      刪除
    2. 是傳說中的外國勢力入侵!

      刪除
  2. 發叔.... 算把啦啦啦!
    BTW, 依批相幾靚丫, 繼續加油呀~~~ :)

    回覆刪除
    回覆
    1. 我覺得好核突...希望下次影好D啦!

      刪除