2014年12月11日 星期四

海景軒 - 強勢回歸



食物:$$$$
環境:$$$$
服務:$$$$

相信很多朋友都知道,梁師傅早前因要調理好身體,休息了(退休)近半年時間。

梁師傅離開後,唔知餐廳的生意如何,至於筆者在這幾個月裡,沒有光顧過海景軒。

雖然我深信食物水準不會因梁師傅一人的離開而急轉直下,但缺少了靈魂人物,信心始終是差一點。

終於,梁師傅回歸了。剛巧,老友張酒店VIP卡,又差不多到期。係一個好好既藉口,再次重溫梁師傅的手勢。馬上找師傅幫助寫張靚仔菜單。

咁高興,飲番杯啦!

既然咁高興,不如喝點酒? 看過是晚的菜單,大家決定要瓶白葡萄酒,清爽一下。
 
不錯的開始
菜色亦陸續送上,打頭陣的,鮮竹時蔬卷,賣相一貫的漂亮,包得緊緻,芡汁不過厚,感覺清新。
 
口感與真的一樣
第二道小食,係脆鱔。雖只是素鱔,口感味道卻跟真的沒兩樣,帶出陳醋香,夾點薑絲,沒令人失望。
 
飽滿
品嚐過前菜,接著便是每人一隻的釀蟹蓋。拿上桌時,椰香陣陣,絲絲的蟹肉,非常澎湃,在座各人吃得直榿拇指。只是,這味東西,確是幾漏,吃罷已經飽了一半以上。
 
得獎菜

內有乾坤

之後,是朋友指定要品嚐的水晶牛筋肉,大概他知道這是得獎菜色吧!這味菜色我試過幾遍了,次次都有水準的。炆得鬆化入味的牛筋肉,釀入爽甜的鴨子梨,沾上醬汁,精緻又好吃。
 
又一傑作
冬坡扣釀肉,跟剛才的水晶牛筋肉,有著異曲同工之妙。由梨子換上冬瓜,把牛筋肉變為豬肉,整件事同樣可口。要提一提,這冬瓜的色水和造型,跟東坡肉有幾分相似,因而得出這菜名。
 
傳說中的咸魚包
人生無夢想就同咸魚無分別。而我這個滿有夢想既人,除了天天「尖明」自己的鴻圖大業外,食為奴的咸魚包,也一直是我的「尖Food」。只要肯發夢,凡事可成真,竟可以在梁師傅呢度食到宮廷咸魚包。包身軟熟,兩邊煎得香脆,餡料咸香恰到好處,果真是人間美味。
 
超好吃
再來,便是這裡的名物,狀元煎茶果了。煙韌軟糯的口感,底部煎得香脆,加入菜圃、豬肉的餡料,仍是我吃過最出色的茶果。
 
總廚出馬
還有梁師傅親自為大家炮製的蛋白杏仁露,奉上桌時,香氣四溢,杏香以及蛋白絲絲入扣,無可挑剔。
 
開胃
最後,更有我大愛的香芒糯米卷,以及像「菲林筒」的醒胃山渣卷作結。

這一晚,大家都十分盡興又滿足!


餐廳資料:
海景軒
尖沙咀麼地道70號海景嘉福酒店B2層
2731 2883

6 則留言:

  1. 下次返嚟我都要試下蟹蓋先!咦,我都有兩個尖喎,返嚟&食! XD

    回覆刪除
  2. 唔知梁師傅會否做埋醬爆瀨尿蝦丸呢^0^

    回覆刪除
  3. 好正呀, 睇完又好想回味啦~~~

    回覆刪除