2014年5月6日 星期二

點點心意 - 平價點心新寵兒



食物:$$$1/2
環境:$$$
服務:$$$

說到底筆者就是中菜人,很多時會上酒樓酒家酒店中菜廳用膳,偶爾也會幫襯點心專門店。以前在荃灣,會惠顧東哥,貪其價錢便宜,食物尚算中規中矩。不過,最近試過了眾安街的點點心意後,大概這會成為我的新寵。


街坊格局

這裡的環境跟坊間大部份的點心專門店差不多,是沒有九龍城譚點的氣派,勝在價錢親民,畢竟荃灣區較難走中高檔的路線,這個風格合適了。
 
拼盤大致合格
先柯打點心拼盤,內容有齊傳統的蝦餃、燒賣、潮州粉果以及菜苗餃。打開籠蓋,煙紛紛冒出,感覺良好。正所謂一熱遮三醜,這樣子的出品,衰極有個譜。蝦餃大大粒,澄麵皮不會黏牙,蝦肉足料亦爽口;燒賣做得飽滿企身,味道也可以接受;菜苗餃的形狀雖未算十分靚仔,至少外皮晶瑩,沒什麼投訴。
 
新鮮熱辣
試完蒸的,再來一款鐵版生煎包,這個溫度當然更加沒有問題。兩邊煎得香口,咬落微脆,包身軟熟,要挑剔的是餡料比較濕,否則整件事會很合心。
 
可愛
也試試甜點,脆皮豆沙小箭豬,賣相很可愛,以追求快上快落的點心專門店來說,是交足功課有餘。大口咬下,外脆香脆而包身同是鬆軟,豆沙餡香甜足料,喜歡更甜的,可自行沾上煉奶,好睇又好食。
 
有下次
今餐只是小試牛刀,既然食物水準大致滿意,相信我會和家人再來開餐。




餐廳資料:
點點心意
荃灣眾安街104號地下
2388 2539

14 則留言:

  1. 我又想試喎,下次叫埋我丫,唔該!

    回覆刪除
  2. 你都喜歡點心呀~有冇試過荃灣燒賣皇我覺得又係好正呢^0^

    回覆刪除
  3. 因為有人怕cholesterol高,所以我都好耐無食過蝦蛟啦!
    hedgehog包包好得意,一大啖咬落去實好滿足!

    回覆刪除
    回覆
    1. 好耐冇食過蝦餃? @@...點得架~
      佢係好可愛架 :)

      刪除
  4. 劉總話得!真係要試下😊

    回覆刪除
  5. 劉總話得!真係要試下😊

    回覆刪除