2014年5月10日 星期六

好運強記食堂 - 強人是你~



食物:$$$$
環境:$$$
服務:$$$$

還記得兩年前,筆者的好朋友在這裡為我慶祝生日 (可按此重溫歡樂片段),當晚食物優質,氣氛熱烈,更有很具氣勢的生日糯米雞。那些開心的畫面,至今仍深深銘記。

最近,另一班朋友建議來這隱世廚房開餐,問我有沒有興趣。有得食好嘢,我梗會say yes! 大家夾好時間,預留張檯,齊齊在快樂星期五聚一聚。

清甜

朋友很細心,留了檯之外,亦預先寫好了菜單,人齊就可以馬上開餐,唔需要煩惱吃什麼。先每人一盅燉湯,松茸螺頭燉瘦肉,打開盅蓋,看見極豐富的湯料,加上是香噴噴熱呼呼的,已經很安心。小心翼翼的呷一口,湯頭清甜,再吃清螺頭,滿足矣。
 
巨到呢!
飲完靚湯,我們有冰鎮瀨尿蝦。瀨尿蝦巨大得有點浮誇,唔係講笑,真的隻隻比筷子還要長,氣勢迫人。徙手拿起這極品,大啖大啖的咬下去,怎教人不雀躍? 冰鎮的感覺從來是好,點點酒香更能引出鮮味,肉質爽口彈牙,還有甘香的蝦羔,美味無極限,只想多來一隻,兩隻都唔拘呀
 
美味

生菜包繼而上桌,大家都唔客氣,自己動手喇。青紅黃椒、蠔豉茸、腊腸茸等等的材料,豐富,味道當然比坊間吃到的,更為精彩。以新鮮爽脆的生菜包裹來吃,十分美味,後來我們更追加多一碟生菜,延續滋味。
 
下點胡椒粉吧
香噴噴的焗魚腸送上,火氣十足,睇見也興奮。面頭脆卜卜的油條,教人滿足,而魚腸則需要下一點點的胡椒粉去僻僻味。
 
香口好吃
是晚人不多,無法重溫上回的糯米雞,只選了較「輕怡」的糯米釀雞翼。事實上,雞翼同樣是巨大,色澤鮮亮,好吸引。咬下去就是「卡擦」的聲響,很香脆,裡頭的糯米味道亦好,若然能再乾身一點,會更出色,但這已是很高的水準。
 
鬆化
再來多一款肉食,正是鎮江骨。嗱嗱聲夾件來吃,酸甜平衡得宜,肉質鬆化,帶點肥,味道媲美鮮肉,自然又是要多吃兩件才肯收手。
 
時間過得真係快

店方送贈杞子桂花糕,大家邊聊往事邊吃著甜點,愉快的時光瞬間便過去。又係時候要離開,再各自奮鬥,大家加油丫!


餐廳資料:
好運強記食堂
好運強記食堂
觀塘成業街19-21號成業工業大廈2樓26室 
2389 6756

15 則留言: