2014年3月4日 星期二

泗益 - 在晴朗的一天出發!



食物:$$$1/2
環境:$$$
服務:$$$

遊食團又再出動,今次大家既目的地是蒲台島,幼稚園級難度,適合家庭樂 (另文再詳細介紹景色)

大家幾個都是為食之士,當然唔會放過任何吃的機會,所以,我們約好了在赤柱吃過早餐,然後才繼續上路。有人建議去泗益,我是舉腳贊成,始終我最喜歡茶記/ 大排檔的早餐。

 
晨早就要排隊

泗益從來是長龍店,即使早餐時段也需要排隊等食,我們先到先霸位,務求將等候時間縮到最短。
 
西多是名物
店子以西多士馳名,不用糖漿,以蛋白去製作,中心有咖央的甜,只塗牛油,已經好吃。
 
我喜愛的早餐
然而,早餐時段是沒有西多供應,頂多都係食奶漿多,以我是日就柯打了餐蛋通粉。湯底帶有麻油香,用上的是坑紋通粉,較有口感;雞蛋煎得靚仔,蛋黃仍是流的;午餐肉同樣煎得香口,整件事簡單而美味。
 
當然少不了咖啡
在這類地方,唔使問我都會叫熱咖啡,貪佢夠香濃、夠地道。
 
在晴朗的一天出發!

吃飽飽,便齊齊走過碼頭,才乘船往蒲台島去。難得的好天氣,清風送爽,行山也行得特別舒服。

餐廳資料:
泗益
赤柱市場道2號
2813 0503

8 則留言:

  1. 個日真係超好天,玩得好開心

    回覆刪除
  2. wa,如果有埋西多就完美了

    回覆刪除
    回覆
    1. 如果有埋你一齊玩就完美了 :P

      刪除
  3. 我都掛住依間的西多, 真係好軟綿綿好好食~~

    回覆刪除
  4. 吖吔,我一路睇你介紹西多仲以為有得睇相相添,下次有機會再食番啦!

    回覆刪除