食物:$$$1/2
環境:$$$1/2
服務:$$$1/2
闊太的人緣甚廣,並且忙於周遊列國,所以跟她的生日飯局,一拖再拖,到最近才能成行。地點嘛,自然不可太失禮。原本她建議的一間日本餐廳,早已爆滿,唯有退以求其次,來到中環的波士廳,餐廳名字都幾襯佢吖!
掛滿名駒照片 |
這裡的面積不很大,但裝潢簡約而雅致。老闆是愛馬之人,亦是馬主,因而在餐廳內掛上不少他愛駒的照片。
闊太嚐盡山珍海錯,因此波士廳雖然名氣大,但她也不會十分期待和渴求,只隨便點了幾款食物就是,大多是香口的東西為主。首先來的蜂巢荔芋角,外層炸得鬆脆,內裡口感軟綿細滑,如果芋香可以再充足一點,便是頂班水準,但現在已經不錯。
再來的腊味栥飯黃金磚,送上來時闊太便即說大鑊,因為一看便知是很飽肚,細食的我倆,吃罷怕且再沒有空間品嚐別的東西。講番味道,煎香了的粢飯,質感香脆,混入了腊味,更為香口,只是一如所想的飽肚,令我們吃甜品的Quota也佔用了。
蒸的,我們有點了黑松露上素餃。晶瑩剔透的澄麵皮,口感帶點彈性,餡料的什菌感覺清爽,混入黑松露醬令香氣四溢,又一好例子証明,素食也可以吸引的。
柯打鮑魚酥是我的主意,因我真喜歡這款東西,每當餐牌看見有此味,不管這是星級酒店定高級粵菜館,甚或只是行坊的點心專門店,我也會忍不住柯打一件試試。這兒的出品,好像比較細件,但撻皮做得鬆脆,鮑魚夠腍身,都屬合格分數,當然如果曲奇皮能多點牛油香,將會更好。
又來了一味廚師推介的燕麥金沙蝦球,蝦球爽口,卻稍嫌鮮味有限,但跟咸蛋黃的組合,仍是邪惡又好吃,只能大啖的咬下去。灑上燕麥的米通,香脆之餘,感覺健康一點,心理上是可以減低罪疚感。
好像沒吃了很多東西,但已經飽得無法完成,需要打包,甚至連甜品下場也要取消,我們就是被那腊味栥飯黃金磚KO了!
餐廳資料:
波士廳
中環皇后大道中58-62號掁邦大廈地庫
2155 0552
如果真係濶太就好啦....
回覆刪除在我心目中, 你係好Wide架 XD
刪除D點心好精緻呀!雖然只係五碟,兩個人分都唔算太多,但點心都幾heavy,真係好易飽!
回覆刪除真係飽到要打包丫
刪除唔多?如果兩個人食都算多喎,睇落D嘢幾溜下
回覆刪除好漏~
刪除我最近黎過兩次, 一次晚飯一次飲茶, 覺得幾好食
回覆刪除黃金磚的確好, 脆口~
呢間都唔差既~
刪除哎呀, 佢的杏仁茶好好飲~~~
回覆刪除下次再試啦~
回覆刪除