2013年12月23日 星期一

聖誕表心意~~



在普世歡騰的日子,相信大家都已安排了不少「爬地」,抽獎呀、交換禮物呀,呢啲大概都是指定動作。要在有限的Budget買聖誕小禮物,其實都唔係咁容易,必須要花點心思才行。到底我準備左咩俾大家呢? 查實,大都是吃的,就讓我在此事先張揚一下啦!

含笑半步癲

1.      含笑半步癲
「他人笑我太瘋癲,我笑他人看不穿」,還記得唐伯虎這句說話嗎? 我準備了這份作公司交換禮物之用,看誰能抽到我的含笑半步癲!哈哈哈哈哈
 
強心針?
2.      針筒糖
其實純粹係貪過癮,見到五顏六色的針筒,有士多啤梨、檸檬同埋我最喜歡的可樂口味,覺得好鬼得意,就買來玩下。幫年尾忙到抽筋的同事打番支強心針。
 
有無份子料理feel呢?
3.      壽司糖
估唔到荃灣呢間野有咁多古靈精怪的糖果和朱古力賣,真想統統拿回家。這份壽司便當,有齊三文魚、吞拿魚、玉子和帶子壽司,好有份子料理feel,小朋友見到一定會喜歡!
 
最傳統的...
4.      薑餅人
說我傳統又好,說我老餅也好,總覺得聖誕節一定要有可愛的薑餅人才夠氣氛。今年我也在Leonidas買了很多Gingerbread回來,希望大家都會鍾意。
 
祝大家聖誕快樂!
5.      畢業朱古力包
這是買給即將通過Probation的一條「靚」,趕得及在十二月完結前畢業,合資格攞Bonus。相信這份花紅,應該比他任何一份聖誕禮物更要珍貴。


祝各位聖誕快樂!

8 則留言: