食物：$$$
環境：$$$
服務：$$$
富貴朋友請食飯，但地點要就佢，即係大坑，有得食我當然無問題，反正大坑咁多有水準餐廳，平時都會自己走入去食啦。
連吃幾場，首站是串燒店 – 歡樂今燒。來這裡，是因為朋友看見門口的相片，有著地獄燒雞翼，最適合嗜辣既佢。至於，另外再吃什麼，就由小弟亂劃一通好了。
先來的是極品，鵝肝多士。然而，鵝肝甘香欠奉，口感亦絕不是外脆內軟，面頭更加放了點黑椒上去，真令人失望。墊底的多士亦唔好得好多，沒有預期之中的香脆，韌韌的，跟鵝肝完全擦不出火花。
一大堆東西接著上桌，我也不分先後去介紹。第一次吃燒菜心串，估唔到效果幾好，仍保留爽脆之餘，水份也沒有流失，還帶著點點清甜的味道，連埋菜葉一齊吃，滋味。
另一味的燒菜蔬就是燒冬菇，其實燒得唔差，起碼唔會係乾柴柴咁，只不過冬菇本身比較薄身，口感相對遜色；還有燒茄子，同樣不會太乾，皮亦沒有很韌，可是味道偏淡口，很平凡。
再來就不是菜了，有燒牛脷以及燒雞腎。前者切成一粒粒，吃起來雖亦是爽口，但又是不夠味道，夾著洋蔥吃嘛，會好些少；燒雞腎亦然，口感是無問題的，只不過又係味道溫和，第一次吃串燒會係咁。
羊架是朋友指明要吃的，肉無疑是嫩口，卻有欠羊羶味，對於怕羶的人是喜事，但我就不太同意。再者，香草之香氣亦不足，看見朋友起勢咁加五香粉的樣子，實在忍不住笑。
好了，期待已久的地獄燒雞翼終於上場。看得出是下了點辣椒粉，吃起來是有一點辣，但只是很溫和，跟地獄兩個字實在扯不上任何關係，當然滿足不了嗜辣的朋友，他邊吃邊投訴貨不對辦。
不再叫太多了，轉場再食開心得多，埋單走人，多謝朋友請客。
餐廳資料:
歡樂今燒
大坑京街17號
2808 0885
沒有留言:
張貼留言