食物：$$$$
環境：$$$$
服務：$$$
在門口，你不會見到大大隻Anthony’s Ranch的字樣。要識認，就要看那凸出來的牛頭了。其實，咁都幾有特色，又顯眼，一定唔會搞錯。
店內的裝修佈置充滿西部風情，服務生個個戴住牛仔帽，餐桌和餐紙又有牛頭圖案，其實咁樣既感覺係幾好的。
先來的不是麵包籃，取而代之係一小桶的花生。花生是連殼的，很香脆，亦挺有風味，我喜歡這一款餐前的小食。
來了兩款沙律，一是House Salad，仲有Ranch Salad，兩者的分別就是後者多了幾隻大蝦。事實上，兩碟沙律菜均屬新鮮，青瓜片爽甜，車厘茄鮮美。至於大蝦，同樣是新鮮甜美的，是很幾有質素的沙律。
香口的東西最岩我，所以又要了兩款。墨西哥炸芝士辣椒，熱呼呼的，外層炸得香脆，裡面的辣椒不太刺激，反而有丁點咸，不過連埋香濃半溶的芝士醬，滋味無窮。
另一味香口的東西係炸蟹餅，上桌時都係熱騰騰，外面一樣脆卜卜，入面的蟹肉一絲絲，豐富又鮮美。伴著的兩碟醬汁，有我喜歡的泰國雞醬，不過雖然我對這醬汁有好感，但說實在，跟蟹餅不太合襯的；反而另外像Mayonnaise的醬汁，更為適合。
芝士炸薯條，試想想，炸脆了的薯條配合焗香了的芝士，仲有惹味的肉碎，沒有可能不好吃的。當然，如果芝士份量再充足一點，肯定會仲正！不過，這個是絕對收貨有餘的。
吃美國菜，總不能不要燒排骨的。份量很大的，很多條骨，好在水準出色，肉質鬆化，不會過份的乾，又夠入味，甚至是有點煙燻味，真好食。還記得當年在Tony Roma’s吃過驚為天人的排骨，但聽食友說現在的水準已嚴重跌Watt，我想也是時候去番兜一次，畢竟自己沒試過是不會死心的。
Rib做得好，Prime Steak卻完全唔掂，雖然看起來對辦，也真是做到Medium Rare的，本來幾有期望。實質是欠缺牛味，肉質亦很韌，要花點力氣才咬得動，想不到會是這樣的。
甜品環節，今期就要三款，首先是Cheese Cake，芝士味不算太香濃，但都可以接受的，只是餅底做得差一點。但原來，這是三件餅之中最弱的了。
蘋果批，做得幾香，果肉爽脆帶甜，肉桂味不太重，夾著雪糕食，是意想不到的出色。
要說最好的，就一定是Brownie，外層徹脆，味道濃郁，加埋兩球的雪糕，冷熱交融的感覺，是十分的好吃。由於大受各位歡迎，大家決定再來一客，結果不一會又再清碟了。
食物合格，服務卻強差人意，叫幾次加水都冇人理，是要投訴的地方。
餐廳資料:
Anthony's Ranch
西貢宜春街28號地下
2791 6113 / 2791 6116
沒有留言:
張貼留言