Sleepy Head - 悠然地享受中西合璧美食

食物：$$$$
環境：$$$$
服務：$$$$

作為老饕，腦海中總有些To-eat-list，Sleepyhead是其一。

Cafe位於灣仔月街，都說過唔止一次，筆者對日、月、星街一帶的食肆帶有莫明的好感，畢竟這個小區，就是予人一種很悠然的氛圍，就像一秘進入世外桃源。

之前睇過呢間餐廳既介紹，老闆係半唐番，好想弄些中西合璧的東西來，所以Cafe所賣的，有沙嗲牛肉三文治、黯然銷魂菠蘿叉燒三文治等。

Cafe面積細細，但有幾張枱放在戶外，特別在月街這地方，如果天氣好又唔凍既話，在外頭飲杯咖啡是幾Chill的。

吃了個雞胸三文治，配手撕雞醬。麵包是烘過，雞胸切成絲，又混入了青瓜粒等，所以沒太嚡口，反而有點層次，汁醬帶點辣，幾惹味，但跟手撕雞醬扯不上什麼關係。整體而言，都算是個成功的創新組合。

佢既港式奶茶，可以錢注入氮氣，據店員介紹質感會滑一些。氮氣咖啡我試過，奶茶真係未見識過，即管試試。

嗯，感覺好似飲緊樽仔奶茶咁~

餐廳資料:
Sleepy Head
灣仔月街1-3號地下C號舖