紅糖 - 家庭聚

食物：$$$
環境：$$$$
服務：$$$

十月份的某一天，與家人去了Kerry Hotel的中菜廳紅糖飲茶。

打電話去訂枱，既要落訂，又要分兩輪，我哋反正係酒店Staycation，幾點落嚟食都無乜所謂，便留左第二輪，即一點半食。

環境毫無疑問是舒適的，配合靚海景，最紅糖最值錢的地方。

都是吃點心為主，先講下呢度既招牌作，紅糖金魚餃。栩栩如生既金魚自在地舒游，的確是贏盡印象分。個子如此寵大的金魚餃，外皮偏厚也是很必然的，餡料並不是蝦肉，而係用上了鱈魚，再混入些少欖菜，感覺係無咁飽肚，即使份量如斯大，吃起來也沒有負擔。

腸粉只有兩款選擇，因席上有人不吃牛，就要了鮮蝦腸粉。賣相都靚仔既，蝦好大隻，爽口，但無厘味道，桌上的XO醬有用武之地。

雪山叉燒包是小朋友指明要食的，漲卜卜好吸引，只搣了少許淺嚐，餡太甜了，相信小朋友會喜歡。

蝦餃形狀同樣好，飽滿足料，只不過又係偏淡口，又沾些XO醬來吃吧！

鹵水豬腳仔大概是全餐最正常的一道，軟滑腍身，鹵得入味。

本來想叫第二輪點心，但吃至此時大家已打消左呢個念頭，來碟炒米粉填飽肚就算了。桂花鮑魚絲炒米粉，份量是十足十的，米粉幼細，但同樣需要自行來些XO醬去調味。

甜品要左個拼盤，奶皇小柑桔和琥珀合桃酥造型唯肖唯妙，今時今日，許多高級酒店已選擇以石榴甘露取代楊枝甘露了。

餐廳資料:
紅糖
紅磡紅鸞道38號香港嘉里酒店7樓
22525279