Fabrice 嚐味: 鮮選壽司 - Donki都頂唔住??!!

老媽子又去左歐洲耍樂，我就多啲同老豆去食晏。

其中一日，試下鮮選壽司，有Donki既寶號照住，感覺是有點信心的。

價錢比想像中便宜，大部份午餐一舊水之內有交易，好似仲抵食過同樣是日本過江的壽司郎。

小試牛刀，那碗迷你溫泉蛋鰻魚丼，薄切的鰻魚片鋪滿在米飯之上，至少鰻魚唔係無晒味，撈埋蛋汁去佐飯，無咩投訴。

迷你鰻魚丼之外，套餐仲有迷你烏冬，沒太多材料，只是跟上略帶煙韌的腐皮，畢竟烏冬加埋丼飯都只是六十八個大洋，收貨了吧！

也散叫了些壽司，火炙帆立貝壽司四件，分別是鹽燒、明太子沙律、鹽汁及照燒汁做法。壽司飯是赤醋飯，本身已有味，帆立貝都算厚身，然而火炙只是蜻蜓點水，因此欠缺應有的香氣。四件之中，我覺得明太子沙律最好。

另外是炙燒鰭邊壽司，同樣是不夠香，就靠照燒汁來提味吧～

價錢已經平，埋單仲送兩張Coupon... 後來才知道，鮮選壽司近日連環關店，由五間減剩荃灣既呢間，恐怕都未必頂得耐。

Fabrice 嚐味