食物：$$$$
環境：$$$$
服務：$$$
又碌IG，睇見朋友的Story，間Cafe好有feel，即刻DM佢問係咩地方。
店子叫華山，原來正是曾經在旺角火紅過的龍華軒，結束後數月，重出江湖的新名字。
基本上全店都是打卡位，只要拿起手機，隨時襟個掣，已可放上網呃Like。
你可以話呢度係Cafe，但更貼切形容，就是一班非主流工作人士的聚腳點，晚上會借出地方俾人搞下音樂會等活動。所以這裡比起普通Cafe，是更加沒有服務，自己拿起餐牌，有紙仔俾你寫好心水食物，直接交俾店主/員就是。人愈大，社恐程度愈嚴重，盡量拒絕大班人的飯局，二至四人同行是我認為最舒服的。今次就約埋車媽媽，奧尼伉儷一齊來吃個下午茶。坦白說，我是為卡邦忌腸粉而來。濃郁既汁醬，加埋煙肉碎，本身已吸引，配搭腸粉也是個聰明的做法，呢碟創新的出品，成功羸得大家的掌聲。
另一款意粉，係菠菜汁煙三文魚。起初大家還以為是忌廉菠菜汁之類的，不過我們都錯了，係青BB像青醬的，吃起來無咁漏，亦沒有青醬那股草青味，配合有咬口的意粉，倒是不錯，三文魚只是點綴而已。接著來係幾款小食，水牛雞翼夠香脆，汁醬亦刺激。當年龍華軒就錯推出過任食雞翼救亡，所以這味東西，某程度上可視為這裡的招牌食品。爆谷蝦是比較普通的小食，過下口癮。炸日式餃子是我點的，香口嘢，點都唔會難食既，我吞下了三隻。反而白汁煙肉焗薯蓉係估佢唔到咁好食，不是很滑身的版本，卻好香，個人都幾大意呢個質感，大家爭住食。
咖啡時間，不論我既拿鐵，抑或是奧尼既Cappuccino，甚至T兄的冷泡咖啡，都得到大家既認同。說真的，是比不是坊間的咖啡店要出色。
錯重點呀我，5隻雞翼分唔勻，哈哈！
回覆刪除哈哈哈，俾你吹漲
刪除