海外篇：Norm Micro Roastey - 工業風咖啡店

食物：$$$1/2
環境：$$$$
服務：$$$$

人在檳城的其中一個節目，就是浦Cafe。

濶別檳城短短幾年，整個地方都充滿著咖啡廳，單是喬治市，已有太多太多不同風格的店子，密度不下於香港。

今趟到訪的，是以大貨倉改建而成的Norm Micro Roastey。

灰白色的主調，有點工業風，超高之樓底是在香港是無法找到的。店子彩取了近年流行的朝啡夕酒概念，六點後數位年輕店員自動自覺將店子的音樂和氛圍變成了賣酒水的地方，看來馬來西亞喝啡/酒的文化不比香港遜色。

除左咖啡和甜品，呢度仲有些意粉等主食供應，是次點的慢煮豬肉濶條麵，肉質雖未算很鬆化，至少唔怕乾柴柴，麵條口感煙韌掛汁，加上適度之調味，都是合格的。

當然也要一試佢既甜品，胃納太有限，之後又有下場，只能在提拉米蘇與巴斯克芝士之間作出取捨，論影相我諗Tiramisu會靚啲，不過我始終不是純為打卡的人，都係跟番我既心意，要後者。巴斯克芝士餅是細滑，芝味都不弱，但面頭與邊邊位稍欠焦香，未算完美。

常說星馬及澳洲的咖啡普遍來說是更對我口味，呢度都無例外，Flat White既有拉花，口感亦細滑，合意。估唔到佢連朱古力都有做埋拉花，贏晒印象分。

呢度係我到訪馬來西亞咁多間Cafe之中收費最進取既一家，卻也是人氣最旺盛的地方，似乎馬拉人都唔係話消費唔起的，最緊要係質素與氣氛贏唔贏到年青男女既歡心。

餐廳資料:

Norm Micro Roastey

13, Gat Lebuh Gereja, George Town, 10300 George Town, Pulau Pinang