海外篇： 富二代 - 人山人海的點心店

食物：$$$1/2
環境：$$$1/2
服務：$$$$

每次跟朋友說去檳城，大家都總會好關心當地有無得飲茶，乜原來香港人真係咁中意食點心架咩！

答案是有的。

我早前已介紹過其中之一的著名茶樓榕檳，今趙就帶大家試埋另一家名店富二代。

富二代呢個店店都幾招積下，不過佢寸得起，因為生意火紅到不得了，如果你唔可以倒榻咁早來到，就預左需要等位。

又其實，純粹係個名店啫，佢哋既服務唔太差既。

跟香港舊式的茶樓一樣，會有個兜俾你自行清洗碗筷。

點心是出去外面拎的，呢樣又想食，嗰樣又點心阿姐推介，不經不覺就叫多了。唔打緊喇，旅行就應該係咁。

總覺得蝦餃燒賣係飲茶必須要點的項目，看這裡的燒賣漲卜卜，有隻蝦係面頭，似模似樣，味道都屬正常。

到訪過檳城幾家不同的茶樓，其蝦餃都係類似形狀，與香港的有點區別。感覺上皮是偏厚，蝦肉未夠爽口，試過就是。

因為一點誤會，來了兩份蝦腸粉，好彩一款係鮮蝦腸粉，另一碟則是包了脆皮的春風得意腸，都唔係完全一樣。腸粉皮唔算太厚，蝦肉大隻既，當然春風得意腸的口感是更討好，不過價錢就是鮮蝦腸的三倍...

叉燒包是傳統裂口的出品，我其實中意呢類傳統嘢多於家陣嗰啲新派豬仔造型的叉燒包。包皮可以發得再鬆一點，味道都正正常常，這異鄉吃到這質素的叉燒包，我覺得無乜投訴了。

畢竟都是過氣甜人，一輪豐富的點心後，始終想吃少少甜，見出面有蛋撻，即來兩隻。

是真正的酥皮，幾厚身的，可是蛋香普通，唔差，但不能與香港頂級的茶記出品相題並輪。

餐廳資料:
富二代
7, Jln Sultan Ahmad Shah, George Town, 10050 George Town