麵屋福 - 冷麵與沾麵

食物：$$$1/2
環境：$$$1/2
服務：$$$$ 

早個零月，見有幾位朋友從老遠走入麵屋福搵食，我才驚覺原來已好耐沒幫襯這所近在眼前的沾麵店。

不如搵日去重溫美味？！我自己同自己講。不過拖下拖下，又拖左成個月。

趁這天無人排隊，就衝入去醫肚。

見在期間限定的中華冷麵，即管一試。叉燒切成粗條，仲有蛋絲、火腿絲、青瓜絲及蘿蔔絲等，靚靚仔仔咁砌好。麵條幾爽身，所配的胡麻醬汁，是混入了醋，所以吃起來多一份酸香，整個冷麵很清爽可口，唯一係粗條的叉燒有少許韌，未盡完美。

沾麵方面，第一次試佢既番茄紅油沾麵。茄味夠重，微微的辣其實幾惹味。記得之前有人曾大罵過沾麵的湯好咸，真係血都嘔幾啖。Anyway，呢度既沾湯我完全無投訴，叉燒也有夠軟滑。

呢度既麵條用上熱麵，不是人人喜歡，但我無乜所謂，反而連碗都是熱暖的，顯示出誠意。沾麵當然是粗身的好吃，不過呢個麵都未算十分掛湯，好在煙韌度都是合我意的。

原隻溏心蛋，香濃，亦做到應有效果，不錯吃。

在荃灣吃到呢個水準既沾麵，已心滿意足。

叉開少少話題，早前經過長沙灣，見到我最欣賞的蝦沾麵店海老名圍晒板......

希望只是裝修吧!

餐廳資料:
麵屋福
荃灣享成街18號地舖
35903018