友利冰室 X 勿當奴 - 再下一城

食物：$$$1/2
環境：$$$$
服務：$$$1/2 

疫情嚴峻，已唔敢約朋友食飯，人人都係孤獨的美食家 (定劣食家?)。

人在太子，快快趣食完便回去。醒起利冰室Ｘ勿當奴在始創開了分店，不如就去會下爆炸頭腦細?

百業蕭條，曾經在D2大排長龍的人氣店，依家中午繁忙時份也可直行直入。

在收銀處落完柯打，找個位置坐低等送餐。

之前試過這品牌的乳豬卡邦尼，亦嚐過勿當奴系列的巨無罅，與及豬柳強，今次不如試試佢既蛋包飯?

金黃帽子覆蓋著米飯，頂頭是茄醬與牛柳絲的點綴，賣相似樣。雞蛋是嫩滑的，米飯若能多丁點酸味，牛柳絲再嫩口一些，就會更加合心。

在雪櫃睇睇有咩嘢飲? 除左罐裝汽水，樽仔系列如檸檬伯爵茶、富士蘋果伯爵茶、樽仔咖啡及奶茶等，似乎更為吸引。

還是要枝樽仔奶茶吧，茶味濃也夠滑，最緊要是真的冰凍。

不過好鬼大枝，飲到一肚水。

餐廳資料:
友利冰室 X 勿當奴
太子彌敦道750號始創中心地庫B02-06號舖
23386766