2022年1月25日 星期二

Chatterbox Cafe - 過江雞



食物:$$$1/2
環境:$$$$
服務:$$$1/2 

新加坡文華東方酒店的 Chatterbox,海南雞飯好出名,但食客評語兩極,身邊唔少朋友覺得性價比太低。

位處五星級酒店之內,價格自不會便宜,個人認為其出品是合格的,當然未到需要推介的水平。

數年前的某天,這品牌登陸香江,落戶一線商場K11 Musea,卻從沒有掀起半絲的熱潮,以過江龍而言,都算係經典。

適逢朋友生日,對方又是海南雞迷,不如就試下呢間,反正筆者對星馬菜系,一向有好感。

跟很多地方一樣,加錢可以轉雞髀位,但主角說不用,且看原裝的出品會是如何?

雞皮爽,但肉質稱不上嫩滑,中規中矩。三色醬汁表現未有驚喜,但黑漆漆的甜醬油,至少穩陣。油飯與及雞湯,說差不差,但又唔會令人大讚。

另外叫兩款小食,炒蘿蔔糕被黑醬汁包圍著,看似濃味,吃起來又總不夠香,加入幾隻大蝦,算是作了補償吧。

是的,又是雞,因為朋友對邪惡的咸蛋雞翼感興趣,我當然樂於奉陪。餐牌中顯示一隻辣椒,還以為會有點辣,可是辣度點到即止,然而雞翼披上金縷衣,又總會好吃的。

估唔到朋友竟然揀飲美祿恐龍,而我還是投奔奶茶的懷抱,不過是錫蘭奶茶。

錫蘭茶葉的獨特味道,偶爾品嚐,倒是可以的。


餐廳資料:
Chatterbox Cafe
尖沙咀梳士巴利道18號Victoria Dockside K11 Musea B1樓B110號舖
23522173



4 則留言: