食物:$$$1/2
環境:$$$$
服務:$$$1/2
屹立尖東幾十年的老店好時沙嗲,中間曾經短暫與大家告別,引來一陣子的 『集體回憶』,之後又再重開,我諗唔少香港人都有幫襯過,作為星馬菜的愛好者,自然見識過此店......不過,都已經是咸豐年前既事。
難得在尖東開完會,看看手錶,五點幾鐘,不如過來吃個Early Dinner? 呢個時間,應該無乜人卦?
是的,時間尚早,只見三幾枱客,我可以清清靜靜咁食一餐。
不用多說,諗都無諗,一定是吃海南雞飯。有說水準已不如前,但沒有親身品嚐過,我係唔會妄下結論的。 海南雞依然做到皮爽肉嫩滑,油飯夠香也油潤。三色醬之中,筆者素來是黑醬油的粉絲,甜甜的與雞肉是絕配。伴上的湯,也是十年如一日的水準。 想吃些甜,又來碗熱既摩摩喳喳,椰奶結合西米與西達子等,蠻足料的,在微涼的天氣下來一口,感覺很舒服。 以為咖啡大概是茶記的水準,原來卻是我畢生喝過最難飲的出品。早知飲杯青檸梳打好過~
下次食完糖水就好走😜,原來有熱食嘅,又幾吸引!
回覆刪除真係估唔到佢杯咖啡係咁...
刪除我仲未吃過好時!
回覆刪除雞飯值得試
刪除作者已經移除這則留言。
回覆刪除