2021年10月28日 星期四

炊豕店 - 你是食豬大的嗎?



食物:$$$1/2
環境:$$$$
服務:$$$1/2 

久唔久都會重遊長沙灣,可能是過來打波做運動,有時是約了朋友食飯聚頭,但更多時係漫無目的,唔知點解咁跳上巴士,再在這一帶落車。

早幾個月前來,已經知道炊豕店在長沙灣插了旗,只是當時另有飯局,才沒有推門進去。

這次重臨該區,想吃的店子如蘇山雞飯、鰹烏冬等均大掛長龍,咖啡室更加不用說了,輾轉下有機會來到這所食豬既專門店。

長而窄的店子,大把位任揀,但十分鐘後坐滿晒。是我帶旺個場嗎? 哈哈哈~

主食肯定係豬,爭在是吃豬手、叉燒粒、肉燥、豬軟骨,抑或係豬扒而已。

印象中數年前在銅鑼灣店,嚐過經典板本既蔥油豬扒飯,今云都係食豬扒,但就要大阪燒的版本吧。

披上金縷衣的豬扒是新鮮炸起,吃時要小心熱燙。咬落外皮是香脆,肉質鬆化,配上帶甜的大阪燒汁醬,又是另一番滋味。說到底,最緊要係塊豬扒本身有水準。

廿五蚊的麻辣魚蛋,上桌時原來只得五粒,真心不便宜。再者,魚蛋質素不過爾爾,重點落在醬汁之上,不很辣,但帶有花椒之麻香,也算是合格的。

聽見鄰桌的客人想叫魚蛋走麻辣,那麼,連唯一的賣點也撇取了,實在太不划算。

跟餐可樂只是六蚊雞,既然要食麻辣魚蛋,以備不時之需也好。

你是食豬大的嗎?


餐廳資料:
炊豕店
長沙灣福華街571號曉悅地下1號舖
28689399

4 則留言: