食物:$$$$
環境:$$$$
服務:$$$$
我份人好衰,唔多幫襯連鎖店,所以即使Habitu的咖啡水準一向不俗,分店又開到成巷成市,我到訪過的次數,五隻手指數得晒。
尤其是荃灣海之戀的分店,日日經過,見佢環境唔差,卻沒有踏足過咖啡室半步,只吃過家人外帶回來的蛋糕。
終於一天,我進去了吃一次晚餐。
炸蟹餅新鮮出爐,雖然蟹肉平平,但熱呼呼的出品點都唔會難食。本身是跟紫薯條,可惜售罄,幸好換來的是粗身波浪薯條,夠熱也香,呢個我無問題。 作為卡邦尼殺手,見餐牌有此品供應,當然唔會錯過,已再沒問好友的意見了。論意粉咬口、細滑程度,與及香氣,這碟Carbonara是比想像中出色。請不要跟我爭拗正宗卡邦忌意粉落唔落忌廉,唔該~ Habitu的拿鐵,質感順滑,是我喜歡的版本。 Cashless的食店,在香港是較罕見,不過在外地,甚至國內,好多年前已經行緊,呢方面香港真係幾落伍。
呢邊自疫情起,食店的確多咗好多cashless嘅做法。
回覆刪除都正常既
刪除無接觸付款係安全D。
回覆刪除唔使付款仲安全
刪除