2021年8月17日 星期二

Labels Cafe + Bar - 庸懶週末



食物:$$$1/2
環境:$$$$
服務:$$$$ 

週末懶得四圍走,只在屋企附近的南豐紗廠流連扮文叔,晚上隨心找間Cafe祭五臟廟。

這個潮人地,查實只是中午旺場,即使是週六,晚上很多食肆也不再營業,包括茶餐廳。

Labels Cafe + Bar是小數晚上仍打開門口做生意的。店子由本地著名時裝設計師Harrison Wong開設的,因此這所Cafe是接連著時裝店。

不論是朋友的薑味梳打配雜果冰,抑或係我既藍橘子熱情果梳打配藍莓冰,均是清爽怡人的解渴巨星,最岩炎炎夏日。

見二人套餐幾吸引,也不再傷腦筋去散叫。套餐跟上的沙律菜新鮮,更有唔少多汁的車厘茄,伴上醋香,正好打開胃口。

主食揀左意粉,與及薄餅。見前者伴上了辣椒及圓燈籠椒,還以為會有點辣勁,吃起來卻完全不辣,反而滲出蒜香,拌意粉吃是不俗。主角的幾隻青口,肥美厚身,但沒有又乾又韌,同樣不錯。

於我而言,薄餅的款式,愈簡單愈好。因此,我們之選擇,係瑪格麗塔比薩。芝士、羅勒及茄醬的經典配搭,這裡的出品還放上了粒粒新鮮車厘茄,味道可以,但看批邊就知道,這並不是太傳統的拿坡里版本。

甜品兩款,其一係布朗尼蛋糕配棉花糖雲。不用多說也知道,是相機食先的好傢伙。將濃郁的朱古力漿倒進去,穿越雲層,裡頭就是兩小件的布朗尼蛋糕了。要讚是味道濃郁外,質感亦唔怕死實實,好睇又好食。

Affogato 伴上雪糕,以及雪條。當然,特濃咖啡與雪糕是會比較匹配,但我單吃一枝脆皮雪條,都已經好滿足。

又一個庸懶的週末~


餐廳資料:
Labels Cafe + Bar
荃灣白田壩街45號南豐紗廠3樓305-306號舖
34262668

4 則留言: