食物:$$$1/2
環境:$$$$
服務:$$$1/2
週末,應該盡情地吃喝玩樂。
打完波,去市集撐朋友開攤檔,攰得剩下半條人命,準備打道回府。途中經過蛋糕店La Patisserie des Idees,雙腳不其然地走到餅櫃跟前。
不如買幾件蛋糕返屋企,與家人分甘同味吧?!
蛋糕選擇查實並不多,五隻手指數得晒,隨意挑三件就是。 方形的是Lady Earl Grey,好簡約,但我個人覺得幾靚。味道不太甜,伯爵茶的回甘,與橘子一拍即合,蠻不錯。 有一款 『本日推介』,店員說是芒果口味,要試。質感比剛才的那件更細滑,清新可口,頂頭的芒果肉香甜不酸,也有水準。 最重口味的,毫無疑問就係呢件朱古力蛋糕。少少的雲石面,看得出的濃郁。吃起來除了香濃之餘,還滲出陣陣橙香,整件事變得無咁漏,都是好事。 吃件蛋糕,呷口奶茶,悠悠然地渡過週末,才是人生。三款的水準均唔差,唯個子比較小,吞下一件其實不太夠喉,小食多滋味吧!
店子做緊買五送一優惠,但唔知做到幾時喇~~
比我一定貪心啲,重覆都照揀夠六款,嘻嘻!
回覆刪除OK喎!
回覆刪除