鳥山。商號 - 終於有咸食

食物：$$$1/2
環境：$$$$
服務：$$$$ 

紅磡係多嘢食，不過Cafe唔多，尤其是近火車站嗰邊，似乎只有這家『鳥山。商號』。

之前這裡只得咖啡及數款甜點供應，不設咸食，所以我中午不常前來，很偶爾才會來飲杯咖啡，歇一歇。

近日經過，喜見晚上終有小量咸食，我不加思索便推門進去。

其中一位店主曾在台灣生活，熱愛當地文化，好想將台式美食帶來香港，如鹵肉飯、香菇貢丸米粉，與及台式芋泥卷等等。

在疫情無日無止，插翼難飛的日子，這些美食起了慰藉心靈的作用。

因吃過下午茶 (散水餅)，食力有限，沒有選鹵肉飯，要個花枝丸美乃滋餐包好了。

會跟上小食，同埋餐湯。小食係魚腐，筆者一向喜歡這東西的質感，簡單灑上蔥花，不用花巧，已合心水。

湯是磨菇鰹魚湯，香濃像西式磨菇湯之餘，還隱約滲出鰹魚味，幾特別，而且仲有粒粒磨菇碎豐富口感，我喜歡呢個湯！

主角的花枝丸美乃滋餐包，感覺似食熱狗，只是中芯的腸仔換成了開邊的花枝丸而已。當然，論口感與味道，花枝丸絕不會比腸仔遜色，而且跟青瓜片及沙律醬都很夾檔。

繼續來杯似Piccolo的Flat White～

店員話待限聚令放寬後，希望可以搞些旅遊主題既分享會，甚至是Live Band...

但願佢可以成事喇！

餐廳資料:
鳥山。商號
紅磡蕪湖街111號蕪湖居地下C2號舖