2021年6月3日 星期四

牛肉拉麵 - 平價手工麵



食物:$$$1/2
環境:$$$1/2
服務:$$$1/2 

紅磡勝在多嘢食,除左近黃埔既民泰街,另一邊廂的寶其利街,也是小店集中地,我好多時會在這條街出沒。

這個晚上,來到牛肉拉麵,呢個店名好,單刀直入說出其招牌菜。

與同街的眾多小店差不多,店子是沒什麼裝潢可言,留番啲錢放係食材之上,或者定價親民啲,其實更好。

這兒的價錢非常便宜,招牌的牛肉麵才四十個大洋,重點是真的手拉,仲可以免費加底。

不用多想,先來碗牛肉拉麵,落單後見師傅將麵糰翻來覆去,未幾我的牛肉麵便送來。

呢個價食到手拉麵已有點不可思議,當然我唔會進一步期望佢會用新鮮坑腩吧,總之牛肉鬆化帶脂香,都已經唔應該再挑剔太多,我覺得真的做足基本要求有餘。

由於感覺太抵食,隨口又追加了份涼拌皮蛋。雖沒有太溏心,但幾香,伴上濃香之醬油,清爽可口。

豆漿係現成貨,豆香欠奉,好在夠晒冰凍。

邊吃著中式麵食,邊塞住耳仔聽歌,電話播放一連串的英文歌曲,有種彷彿身處外地唐人街既感覺。

我知我諗多左~


餐廳資料:
牛肉拉麵
紅磡寶其利街2D號地舖
26901388

4 則留言: