2021年3月18日 星期四

Pierside - 終於等到



食物:$$$$
環境:$$$$
服務:$$$$ 

疫情期間,唔少酒店食肆無奈停業,餐飲從業員無不叫苦連天。

以我所知,停得最耐既餐廳,係皇家太平洋酒店的西餐Pierside,足足休業一年,到三月份才重投服務。

得知餐廳重開,我立馬跟朋友前來支持,畢竟這裡於我而言是有過太美好的經驗。

一切重新開始,所以餐廳也推出勁筍優惠,譬如話$158就嘆到兩款飲品與及三份小食,教人如何抗拒呢?!

太耐太耐沒見面,難得相聚,就請調酒師幫忙調配杯 Cocktail大家高興下。

幾款小食亦隨之送來,魷魚鬚鬆脆,口感彈牙,乃佐酒妙品,熱辣辣的黑松露薯條亦然。

香口小食仲有水牛城雞翼,外皮脆口而乾身,惹味之汁醬藏在雞皮之內,精彩非常,好想『安哥』一客。

一心來撐場,數份小吃又點夠喉,梗要叫埋主食及海鮮拼盤。飽滿既青口,鮮甜之長腳蟹,與及彈牙的凍蝦,不知不覺間手中的Cocktail已被清掉,要再來一杯飲品,方能繼續配襯美饌。

鬆化的和牛粒夾著蒜片,又是不可多得的佐酒恩物。

再來,是很有份量的德國豬手。皮脆肉香的豬手,是令人一件駁一件,停不了口的東西。難得的是,即使放涼了,外皮仍能保持香脆,墊底的酸椰菜,從來是吃德國豬手的最佳配角,正好作中和之用。

原來身處Pierside,也可以點沙嗲軒的美食,一於叫客海南雞飯,大家分甘同味。其實不用多介紹,相信各位都知道沙嗲軒的海南雞向來是高質之作,皮爽肉滑之雞肉,配上油潤的油飯,大愛!

最衰胃納太細,否則好想食埋肉骨茶。


餐廳資料:
Pierside
尖沙咀廣東道33號皇家太平洋酒店海景翼大堂高座
27382398



4 則留言: