皇后冰廳 - 此皇后非彼皇后

食物：$$$1/2
環境：$$$1/2
服務：$$$$ 

約五、六年前，759風頭一時無兩，除了做零食店，還涉獵餐飲界，開設茶餐廳、車仔麵，甚至雲吞麵店。

盲目地過份擴張，換來就是失敗收場。今時今日，大概只剩下一間在九展的車仔麵店。

長沙灣的759雲吞麵舖位，丟空了好一段時間，最近終於有餐廳接手，名字係皇后冰廳。

呢間皇后冰廳，與Queen's Cafe是否有關係? 如果是，即與我們同聲同氣喇。某天我搭巴士經過看見，是這樣想的。

上網睇過，相信兩者沒有關聯，但理念是一致的，所以仍要支持。

午餐有跟沙律或餐湯，問店員係咩湯，得到回覆是香芋忌廉湯，幾特別，便要了。麵包是凍的，不值一提，反而餐湯很有驚喜，芋香味濃，還有唔少芋頭顆粒在內，我是罕有地喝得一滴不剩。

主食吃焗豬扒飯，米飯係蛋炒飯底，撈埋芝士及醬汁，好易令人不自覺地吃多了。豬扒已切開，吃得更方便，而且件件鬆化，不俗。可能食慣快餐既焗豬，覺得如果可有幾粒菠蘿既話，會仲好。

之後約了好友飲咖啡，所以餐飲要杯熱檸檬茶就好。

冰廳有多款麵包供應，可惜胃納太細，且有下場，唯有作罷。

既然是值得支持的店子，相信我有機會回頭的，到時試埋佢既薄餅、意粉、漢堡和麵包吧！

餐廳資料:
皇后冰廳
長沙灣長沙灣道391號長沙灣邨服務設施大樓地下1號舖
34870028