Black Sugar Coffee - 心靈良藥

食物：$$$$
環境：$$$$
服務：$$$$ 

第一次接觸Black Sugar Coffee，是三年前的某天，到訪其何文田店，當時沒有吃東西，只是飲了杯Latte。

咖啡是優質的，可惜當天碰不到主角，柴犬店長Black Sugar。

說過要搵機會再去吃件紅嗓子蛋糕、探探『黑糖狗』，只是筆者好多時都係得把口，之後便不了了之。

轉眼又三年，原來在這話長唔長、話短唔短既時間，呢個品牌已發展至有四間分店。

再次要到大角咀找吃既日子，我決定走回奧海城幫襯這家Cafe，雖則我百分百肯定呢間分店係無可能遇上柴犬店長。

食物選擇唔多，價錢亦非親民，意粉動軋過百，但平日午市可跟餐，特色咖啡只收十五個大洋。

我的班尼廸蛋，以及Flat White，盛惠$123~

兩隻蛋、三文魚放在酵母麵包之上，伴以火箭菜及車厘茄，不去挑剔它是否正宗，賣相倒是討人歡喜的。

用刀切開雞蛋，黃澄澄的蛋黃緩緩流出，任由蛋汁滲進麵包內，是我的吃法。個人其實很討厭硬轟轟的包邊，但沾上了蛋汁後又可以接受。雞蛋、三文魚、火箭菜連麵包及荷蘭汁一併放入口，好滿足，蛋黃味很濃郁，甚至將火箭菜的苦澀味也蓋過了，明顯是不惜工本嚴選的靚蛋。

一杯擁漂亮拉花、入口醇和的Flat White，令我想起澳洲的朋友。

Whatsapp佢問問悉尼情況...

繼續WFH，但堂食及日常活動已沒有限制了。她說。

餐廳資料:
Black Sugar Cafe
大角咀海庭道18號奧海城二期地下G16號舖