家常兩味

長時期留在家抗疫，也無可能天天香煎喜知次、煎和牛扒吧~ 總會有更多的時間，是吃些家常菜色。

這次寫既兩個家常餸，韭菜花炒魚鬆，以及墨魚膠粟米餅，皆是易整又美味，其中前者參考了香宮張師傅的做法，效果不錯。

        

將鯪魚滑煎至開始轉金黃色，拿起切條備用。

之後爆香啲蒜頭，落韭菜花炒一陣 (韭菜花好快熟，咪炒太耐)，再將剛才的已切條的魚鬆落鑊快炒，少少調味，埋個芡便可以上碟。

另一味的粟米餅，我在超市買現成的墨魚滑，同埋罐頭粟米粒，材料係咁多。

把粟米粒混入墨魚滑，撻佢幾嘢，再將墨魚膠搓成球，襟篇 (如圖)。盡量把墨魚膠襟薄些少，otherwise一陣落鑊煎時用鑊鏟壓平也可以。

由於超市的墨魚膠已調好味，所以鹽也不用下幾粒，煎至兩邊金黃便完事。

成品其實香噴噴又彈牙，好吸引的。

低B班家常菜色，岩我Level~