2019年7月19日 星期五

TeaWG Salon & Boutique - 茶香滿溢



食物:$$$$
環境:$$$$
服務:$$$$

家陣,許多人/品牌自命係王係霸係專家,笑大人個口。在我的理念中,專家只有小數,並不是那麼簡單。

新加坡著名品牌TeaWG,紅茶綠茶白茶黑茶一應俱全,花香果香木香燻香任君選擇,絕對配得上專家這個稱號。

茶葉做得精,食物亦毫不遜色,至少我喜歡,所以當又一城開設新分店,我又來了。
      


這個牌子,全球各地的分店均是同一格調,高貴優雅,容易辨認。


甫坐低,先來杯Welcome Drink,大熱天時當然是冰茶最好,呢杯Eternal Summer,清爽帶微酸,正好為晚餐做足準備。


以往食西餐,很少會吃麵包,只因我胃口太細,容不下太多美食。然而,是晚我卻將這大麵包完全清掉。軟熟的包身不是重點,加入了玄米的牛油才是精華所在,是令人無法停得了口的。


打頭陣的蘑菇湯,質感較為杰身,味道濃郁。


餐牌中的三款主菜,分別有伊比豬鞍、八爪魚拼帶子,以及海鮮菠菜意粉,我的選擇是後者。朋友的八爪魚及帶子,賣相精緻,忍不了口嚐了一點。北海道帶子肯定是好東西,火侯亦把握得好。八爪魚口感佳,唔會似食橡皮圈咁。


鮮製意粉混入了菠菜汁,感覺更健康。麵條屬腍身的幼麵,但味道唔錯,三兩下手勢,連蝦肉、三文魚、蜆肉及魷魚等食材也吃得一點不剩。


甜的有雲尼拿撻,好出色,混入的新鮮士多啤梨肉,正好作個中和,脆餅底令層次更為豐富。


由於甜點精彩,各位亦想試埋以茶入饌的雪糕和雪葩,飽到頂住個肚也在所不計。


未算,印象中呢度既馬卡龍亦屬高水準,大家又點來幾粒分甘同味。吃著細緻可口的甜點,配以一杯黑茶,天衣無縫。

外帶一些茶葉回去,是指定動作吧!


餐廳資料:
TeaWG Salon & Boutique
九龍塘達之路80號又一城LG2樓11號舖
27256930

6 則留言: