食物:$$$1/2
環境:$$$$
服務:$$$$
話說,又被引了去Three
on Canton食自助餐,皆因今次既主題非常吸引,係西班牙黑毛豬。
坊間的Buffet,真的很少用會上矜貴的黑毛豬,頂多只是在Cold
Cut上有一點點,僅此而已。
因此,好難會令食肉獸唔期待既~
由Cold
Cut講起,肯定唔是一般貨色,當中就有伊比利亞豬所造成的辣肉腸,惹味非常。風乾火腿則是36個月的西班牙黑毛豬,我從沒在其他酒店的自助餐內吃到過如此佳品。
吃熱葷前,不如先來些凍海鮮?蟹腳、凍蝦等,最搶手的固然是開邊波士頓龍蝦啦!個人其實更喜歡吃龍蝦鉗。
熱食確是處處黑毛豬蹤影,首推香烤黑毛豬腩肉,自助餐用黑毛豬做燒腩仔,認真浮誇。脆卜卜的外皮,肉質肥瘦有致,咸香可口,不得不讚。
豬肩肉配橙酒及橘子蓉,有幾分像中式的叉燒,有趣!
胃納細小既筆者,以往吃扒類,多半會吃半件燒牛扒便是。然而,這次是澳洲和牛與烤西班牙豬鞍之選,機會成本非常高。始終是黑毛豬主題,唯有同和牛講聲有緣再會。豬鞍烤至香口,肉質沒有嚡烚烚,自行配點薄荷醬更好。
邪惡的鵝肝配多士,平日無三件都唔會收手,不過今時今日的我,淺嚐一件已足夠。
至於中式熱葷,片皮鴨是無可能錯過,我實在太喜歡這味東西。另外,南乳豬手做得軟腍入味,也好。炒豬頸肉也是用上西班牙豬,佩服。
呢度仲有一樣做我非常出色的,無錯就係海南雞飯,再飽也必須要吃半碗再可收手。
再食少許刺身和喇沙,便向甜品進發。各式蛋糕把我的肚子填得滿滿的,加埋一向出色的心太軟配Movenpick雪糕,肚皮快要爆開~
造型最出色的甜品,要數到呢個實質上係朱古力甜品的『盆栽』了!
餐廳資料:
Three on Canton
尖沙咀廣東道13號海港城港威酒店3樓
21137828
下次返黎前再問你心水去邊間好。:)
回覆刪除好
刪除令人忍不住同類相殘的一餐!XD
回覆刪除你指我是豬隊友嗎?
刪除豬豬太誘人喇!忍得我呢!
回覆刪除你好忍得啦
刪除