2019年2月19日 星期二

新店速遞:舍 - 鬼佬中菜



食物:$$$
環境:$$$$
服務:$$$

約辣局成員吃開年飯的難度愈來愈高。在群組夾來夾去,始終無辦法齊人,唯有自組小局,吃什麼也好。

挑了幾間餐廳,有中也有西,卻都要分兩輪。頭輪又趕唔切,第二輪又似乎太夜,真是煩。

後來挑中了這家『舍』,各位都舉手贊成,畢竟大家旨在聚一聚。
    


明明店員是懂中文的,點餐時卻又堅持與我們講英文,到底係咩玩法?
   

先來份叉燒,賣相似曾相識,我頓時想起了大官廳的蜜汁匈牙利攣毛豬叉燒。這裡的出品,腍是腍,卻欠缺肉香和蜜味,反正不是我喜愛的款式。


小食我們有藕餅,香口爽脆,味道不錯,是全晚最出色的。


個人覺得開年飯要有雞,所以斗膽提議來半隻吊燒雞。看色澤是很對辦的,可是雞皮又沒預期中香脆,還幸肉質尚且嫩滑,調味不俗,不用沾汁醬都可以。


席上有朋友是咕嚕肉迷,跟她一起食飯總少不了一碟菠蘿咕嚕肉。呢度既賣相挺好,主要是那菠蘿贏得了分數。咕嚕肉本身口感爽彈,但真是切得太細粒了,同埋汁醬也跟傳統的有所區別,教人失望。


為左要賣得起價,這兒的小炒王加入了花膠。另外仲有蝦、芥蘭與腰果。個人認為,小炒王就應該是有鑊氣的香口嘢,是啤酒良伴。這碟矜貴的東西,負了小炒王之名。


接著也多來個菜,XO醬炒法邊豆,唔提我都唔知道有XO醬的存在。


正在減甜的筆者,淺嚐半件蛋散已經足夠。是鬆化既~

總結:鬼佬中菜格局,環境優於食物。


餐廳資料:

中環港景街1號國際金融中心商場3樓3025-26, 3031-3066號舖
21100153

4 則留言: