收工同三五知己去食餐好嘢,甚或是飲番杯,固然是好節目。不過,你都知啦!香港人生活營營役役,打工邊有半斤八兩咁理想,少不免會有食飯盒或者杯麵的日子。
為免令呢件事變得悽慘,選有質素的杯麵十分重要~
以往食來食去都係嗰個牌子,但最近試了滿漢大餐的杯麵,正確點說是碗麵才對,又覺得可以喎,以後多一個選擇!
試過四款口味,當中有三款均是台灣風味的牛肉麵,包括是紅燒牛肉麵、珍味牛肉麵,以及麻辣鍋牛肉麵。
紅燒牛肉麵的湯底,果真有幾分像在台灣嚐到的牛肉都湯底,沒有很惱人的涸喉感覺。愛刺激的朋友,珍味以及麻辣鍋牛肉麵,相信會合心水。而且,三款口味均是採用新西蘭及澳洲牛肉,雖然是比較細粒,但起碼吃得放心點。
吃不了牛的朋友,大可選擇蔥燒豬肉麵,豚肉質素也算係咁。
吃杯/碗麵,都唔係好慘啫,最重要睇自己心態!產品在各大超市及便利店有售。
都係果句,放鬆啲啦香港人~~
我呢刻真係好餓,可惜屋企連杯麵都無呀!
回覆刪除咁蔭公豬?!
刪除係好好味, 以前睇波成日食, 但鈉爆錶, 老咗唔敢
回覆刪除適可而止囉~
刪除以前細個覺得食滿漢全席好富貴架!
回覆刪除我第一次食咋~
刪除辣辣地都幾正!
回覆刪除OK Wor...
刪除