榴槤BB - 榴槤在我心中香

食物：$$$$

環境：$$$$

服務：$$$$

香港其實很少地方有得俾大家坐定定係度食榴槤。癮起既話，買個返屋企慢慢歎吧！

只是，自己一條友食又無乜樂趣，家人又未必個個喜愛，更加唔容易相約到朋友家齊齊大快朵頤。

當得知觀塘工業區的這家榴槤BB，有多款新鮮榴槤，以及榴槤飲品等副產品後，我一直好想去拜會下。

一向光說不練既我，拖了又拖，終於找到機會與『香味相投』的朋友去擦餐飽既。Yo...gogogo~~

   

仲以為無咩人會知道呢個地方，但我實在太天真，原來呢度好出名，連東張西望都介紹過，是日都有唔少食客係度啜呀啜...

同朋友一人一份榴槤品鑒盤，說穿了就是五款不同的新鮮榴槤肉，粉絲們又怎可能抗拒呢？

五款口味分別有名種、長柄、金包、XO, 同埋貓山王, 由淡味吃至濃。第一件的名種，以為會是偏淡口，實質卻是意料之外地濃郁，喜出望外。長柄則是走清甜路線，我也欣賞。反而，金包沒預期的濃郁。XO濃香之餘，亦滲出點點酒香，合意。壓軸的當然是貓山王，最重口味，帶有餘韻。

我吃東西是不能沒飲品的。既然一場來到，一於貫徹到底，來杯榴槤特飲。我的那杯叫一嚿貓山王跌落奶，說穿了就是榴槤奶昔，正呀喂～

見有些榴槤的副產品賣，不妨整罐貓山王爆谷，拿回家吃，弄得屋企一室榴槤香。

佢仲有榴槤雪糕、蛋卷、糖等產品，絕對是榴槤控的天堂。

餐廳資料:
榴槤BB
觀塘敬業街65-67號敬運工業大廈2樓B號舖
37088732