Cafe on the Park - 懷舊經典30年~

食物：$$$1/2

環境：$$$$

服務：$$$$

家陣潮流興懷舊，你睇連流行金曲50年都勁受歡迎，長做長有就知道係咩一回事。

皇家太平洋酒店趁住今年三十年慶典，做回些懷舊小食，讓一眾食客可重溫消失中的美味，於我等老餅而言，確實是個喜訊。

一於抓緊機會，來懷舊一番。可惜家中的陳年復古衫褲，早已被我扔掉，否則穿條八十年代的喇叭褲來赴會，定必更入型入格。

    

都係果句，做咩主題也好，基本的凍海鮮、Cold Cut與刺身壽司，是必備項目，先嚐點龍蝦鉗、蟹腳及刺身冷麵作熱身，才再投向懷舊食品的懷抱。

熱後過後，一系列的黃金食品，是我的囊中物。黃金炸魚皮、米通、蝦棗乜乜乜，全部附以咸蛋黃，邪惡無極限，我愛死了。

懷舊的東西又豈止＂黃金食品＂？大包都係經典舊嘢之一，不過這並不是雞球大包，而是矜貴版本，餡料有鮑魚、蝦肉蟹肉等的＂紳士大包＂。

吃著包子，忽然聽到掌聲雷動，原來靚湯新鮮出爐，大家都排隊領取，我都唔執輸飲番盅先。又雞又烏雞又花膠咁，足料非常，喝起來自當清甜舒服。

再吃些其他的熱食，包括焗龍蝦、蒜茸粉絲蒸扇貝、燒羊架和鹽焗雞等等，每樣吃些少都已很飽足。

自助餐必備的燒牛肉，這裡肯定唔會走漏，各位食肉獸可以放心。

有別於一般酒店的粉麵檔，這兒的陣容是相當震撼，單是湯底已有雞湯、魚湯及喇沙三款，仲有油麵及懷舊狗仔粉等。配料更加有數十款，魚蛋、魚球、蝦、豬皮、魚肚、魚皮餃、水餃、雲吞、腐竹、魚腐等等，我哋都忍唔住拿了三款不同湯底回來，分甘同味。

甜品環節，就更加懷舊，首要講下糖蔥餅與及飛機欖，可能好多後生仔女都未食過，甚至未聽過。

另外，還有蛋撻仔、龍鬚糖、麥芽糖夾餅和海綿蛋糕等，童年回憶返晒嚟，想扮細都唔得喇～

係呀! 呢度仲有Movenpick雪糕任食架!

餐廳資料:
Cafe on the Park
尖沙咀廣東道33號中港城皇家太平洋酒店園景翼2樓
27382322