2017年9月27日 星期三

丼丼屋食堂 - 一試限量版鰻魚丼


食物:$$$1/2
環境:$$$$
服務:$$$1/2

打完波之後晚餐,波友話好攰唔想走太遠,近近地在綠楊搞掂。

住左荃灣幾廿年,綠楊間間食肆已吃勻,今次波友要我揀,我就挑了丼丼屋。為什麼

一來好耐茅食過,二來都想試試佢既限量版鰻魚丼。
     


桌面上也有「三河一色產鰻魚三味丼」的推廣,那就不作他選,一客鰻魚三味丼定食,一份三文魚油甘魚丼。



所謂三味丼,就是三種吃法。先試鰻魚的原味,口感微脆,帶炭香。再來伴以海苔及青蔥,又是另一番滋味。最後,將鰹魚湯倒進去,變成鰻魚泡飯。或許是個人較重口味,總覺這個鰻魚丼的味道偏淡口。



至於鰻魚玉子卷,厚厚的玉子內只一丁點的鰻魚在內,比例是否有點問題?



定食還配上沙律、副菜及漬物,以$148呢個價錢,算是合理。而且每天只賣20份,難怪我們用餐完出來時見到,本日鰻魚丼經已售罄。



另外的三文魚油甘魚丼,三文魚有欠肥美,油甘亦不鮮味,好彩還沒異味,沾點豉油Wasabi哽左佢吧~




呷口熱檸茶,傾下波經探討下財經,渾渾噩噩又一天。


餐廳資料:
丼丼屋食堂

5 則留言: