2016年12月8日 星期四

三木韓國料理 - 勝在地道



食物:$$$1/2
環境:$$$1/2
服務:$$$1/2

以往同老媽子食飯,十餐有八餐都係飲茶,偶爾一次半次會食下西餐,食韓國菜還是第一次。

避開中午的繁忙時間,十二點左右便來到,當時剛剛營業,店子還有大把位置,讓我們任揀。

話需如此,靠窗的位置都是六人卡位,無理由兩條友生霸人家六人檯,人哋俾你都唔好意思啦!

   
 



觀乎許多店員都是韓國人,有些英文還不太好,點餐要用英文加肢體語言,不過,這也代表餐廳是正宗。





點餐後,奪目的前菜隨即奉上,兩個胃口細既人,其實單是應付眼前的眾多前菜,已夠吃力。還幸,呢度既泡菜都可以,更有沙甸魚,同埋我喜歡吃的薯仔。





老媽子早已瞄準人參雞湯。湯內就是半隻雞,還有其他料,熱呼呼的奉來,感覺暖和。





雞肉是預期中的嫩滑,再呷口湯,參味不重,又難怪,在本地確實難以喝到濃郁參味的人參雞。索性將白飯倒進去,以湯送飯,吃得更滋味。只是,剛從韓國回來的老媽子,大嘆跟當地的水準,仍有距離。





我點的是豚肉飯,以鐵板上,送來時沙沙聲響,煙朦朦,香氣陣陣,好吸引,贏在起跑線上。豬肉絲唔會韌,又好入味,伴飯一流。





好後悔,點解當時沒有堅持點醬油蟹?



餐廳資料:
三木韓國料理
尖沙咀堪富利士道12-16號宏貿發展大廈2樓
27218970

3 則留言:

  1. 百友咁好,韓遊回來都同你食韓國料理嘅!

    回覆刪除
    回覆
    1. 係咪掛住當地風味?我成日都係咁的....

      刪除
  2. 醬油蟹好味呀,做乜唔叫!

    回覆刪除