味房居酒屋 - 一餐當兩餐

食物：$$$1/2

環境：$$$1/2

服務：$$$1/2

中午吃豐富一點，晚上個餐可以慳番!

人窮了，沒法子。

受到誘惑，中午又與好友們去到沙田麗豪的日本餐廳，品嚐櫻之會席料理。呢一餐，又係飽到上心口，夜晚都唔使食。

  

開波喇~

一小碗兒時回憶的粟米凍湯，同埋爽身醒胃的螢光魷魚，作為序幕。

 

很好

刺身，要象拔蚌才得矜貴。切成條狀，口感爽脆，鮮甜度十足，一吃停不下來，差點把預留給遲來朋友的那份，也放進我的肚子裡。

 

選擇困難症發作

一隻長盛，放上各式各樣的壽司，有日本紅衫、池魚、金目鯛，乜乜乜。一時之間，選擇困難症要發作。好不容易挑了帆立貝，肥厚味鮮；海膽來自北海道，也不錯。

 

還是喜歡銀鱈魚

再來的燒魚，還以為是銀鱈魚，原來是平政。頗為厚身的，色澤討好。但筆者始終較愛銀鱈魚，會滑一點。

 

特別

另一款魚，係赤甘鯛櫻蒸，赤甘鯛本身味道較清淡，配搭道明寺糯米去蒸，就很合拍了。

 

勝在不太油

當然不乏香口的東西，一記櫻花蝦天婦羅，咬落清脆，內涵爽身，卻不會油膩，始終香口嘢都會岩我。

 

清爽

之後是梅素冷麵，筆者最喜歡日是清爽涼快的冷麵，這還滲出陣陣梅子的酸香，更加醒胃。

 

還好

食完麵，原應是甜品時間，點知有人屎忽痕，又追加了沾麵，同埋吉豬飯。

 

巨

幸而，沾麵的質素尚可。而，吉列豬扒定食，份量好大，豬扒鬆脆，只嫌未夠厚身，否則口感更佳。

 

要再食雪糕

跟餐的甜品，是香芒布甸和日本提子。不是味道不好，但此份量，當然未能我們既甜胃，再加十球八球雪糕就差唔多，哈哈~

 

陣容鼎盛

睇見已開心既雪糕雪葩陣容，最有特色必是Wasabi味，刺激攻鼻；個人最喜歡，是椰子及豆腐口味。其餘的，質素也十分高，雪葩亦然。

太飽，郁唔到～

餐廳資料:

味房居食屋

沙田大涌橋路34-36號麗豪酒店地下

2132 1256