2016年4月13日 星期三

肉餅哥小炒料理 - 又一肉餅專家???



食物:$$$1/2
環境:$$$
服務:$$$

曾經撰文,介紹天水圍屏山的隠世肉餅專家,其肉餅花款多籮籮,創之餘食味亦非常對辦。

專家,從來不會只得一位,筆者知悉有一後起之秀在荃灣落腳,大家尊稱佢為肉餅哥。

或許是新屎坑的原故,肉餅哥的氣勢相當強勁,人人爭住去拜訪,風頭比起尖東忌廉哥,更勝一籌。

到底,呢位係堅專才,定還是純粹呃Like,筆者先後到過兩次,親身體驗。

  
沒什麼裝修




像茶餐廳的格局,只掛上多幅昔日荃灣的照片,毫不花巧。


不再挑剔
首次到來,本想一試店家的人氣No.1,龍蝦肉餅飯。可惜,售罄。唯有退而求其次,選了另一推介食品,麻婆豆腐肉餅飯。可揀蒸或煎的做法,這次,試試蒸的。

會有例湯送,湯料雖不算勁多,卻喝得出花旗蔘的味道,唔挑剔太多了。

 
麻婆豆腐

這款,其實即是普的蒸肉餅,再加麻婆豆腐係上面。肉餅是軟熟,味道偏淡口,配上帶有淡淡花椒粉香的豆腐,總算好下飯的一味。

 

再來,是跟老豆來。佢點的,是金沙蛋黃肉餅,煎的。

賣相肯定是吸引的了。金沙包在肉餅外圍,未達核心內圍,而肉餅本身又無咩味,唔算特別好,但就很漏。

 
主角

今次,終於嚐到龍蝦肉餅,我還是鍾情蒸的。

是很有氣勢的出品,萬千呃like無難度。肉餅混入了少許龍蝦肉粒,增強口感,味道卻仍是淡口肉味與鮮味。兩隻龍蝦鉗,有點肉,算是較可取。

 
好大杯

加三個大洋,便有凍飲,好鬼大杯。

門口排隊的情況,令你不好意思坐得太久。



餐廳資料:
肉餅哥小炒料理
荃灣聯仁街28號康睦庭園地下3號舖
2886 8478

4 則留言: