食物:$$$1/2
環境:$$$1/2
服務:$$$$
呢一年,大概是筆者食自助餐食得最兇狠的日子,平均不到一個月,便會吃一次,都咪話唔癲。
今趟,輪到尖沙咀朗廷酒店。
講到朗廷酒店,大家最深的印象,相信會是唐閣,米芝蓮三粒星星。咁,佢既Buffet又得唔得?
單是其凍海鮮的陣容,你己可知一二。澳洲龍蝦仔、波士頓龍蝦、太平洋大蝦、冰島翡翠螺,仲有美國生蠔,乜乜乜,細食的話,真係每樣一件,可以收工。
我主攻的,始終是生蠔,或者我仲未擺脫到廢青的特質。
來一Round~ |
呢度既Cold Cut好多款式,對我來說是喜訊。仲有煙三文魚、有軟有硬的芝士等,怎樣也要來番Round。
一件不夠 |
食熱嘢,第一時間梗係要吃鵝肝,即煎,肯定甘香,入口溶化。
廚師話,一件夠喇?
Ummm….要多件啦咁,嘻嘻!
豬比牛好 |
食肉獸既我,又會向肉類進發喇,西班牙乳豬,同埋燒牛肉。可惜,牛既質素,未算十分上乘,可以更好。
有中有西 |
有中有西的熱葷,辣酒煮螺,夠晒惹味;豬腳薑,入味,我成功引到車媽媽要破戒食番件;仲有燒味,叉燒燒鴨也不賴。
西式的披隡、燒龍蝦、炸魚柳,同埋印度嘢,連小朋友也搶住食,尤其是魚柳條。
獨有 |
很多自助餐的地方有渌粉麵供應,呢度都唔例外,更甚的是,有即叫即蒸的魚頭,鱸魚、烏頭與黃花,任君選擇,這大概是獨有的吧!
不少蛋糕 |
夠晒,係時侯要吃甜,佢有唔少蛋糕,朱古力、芒果、士多啤梨,同埋提拉米蘇,不過,最搶手的,就是綠茶口味了。
整番件先 |
嚐過幾件蛋糕,一點慕絲,再食多件葡撻,飽到上心口。
冇飲咖啡 |
是晚,咖啡也沒喝了,健康點,以果汁取代。
提提大家,4月4日前,Openrice有Coupon有75折,要吃趁早!
每個月食一次唔過份啦, 我好似個個星期都食, 有時幾次... ^_^"
回覆刪除咁你直頭係變態啦 XD
刪除由魚頭張相一下子轉成甜品相,對比好大呀,好似由驚慓片轉台睇卡通片咁,哈哈! ;P
回覆刪除Wahaahaa....
刪除月經buffet haha~
回覆刪除