2016年3月21日 星期一

醉瓊樓 - 嚐。回味



食物:$$$$
環境:$$$
服務:$$$

年紀有番咁上下既朋友,大概會知道,醉瓊樓曾經風光一時,幾乎梗有一間係左近。

近呢十年八年,這店子的數目銳減,雖然,咁多間醉瓊樓,是否屬同一個腦細,我從來不曉得。

無論如何,長沙灣的這一家,筆者小時侯己經開始幫襯,大大話話超過廿年,當年差不多晚晚都有麻甩飯局,對此地總有點情意結。

忘了從什麼渠道聽說海景軒的行政總廚梁師傅,亦是在長沙灣的醉瓊樓出身 (沒有加以確認)。莫非,我細細個便己品嚐梁師傅的手勢?

我份人就係咁即興,突然好想回味下呢度,食唔到會唔順氣,打完波捉埋波友來。
  
基本上不用看餐牌了

這晚再來,餐牌也沒多看,憑感覺點菜。
 
清甜

小菜套餐會跟飯,同埋湯。是晚的西洋菜湯,熱度十足,湯料滿滿,味道清甜。
 
也邪惡

膽固醇萬歲的油泡鮮魷,沒經過多餘化學「招呼」,質地爽口,亦不過韌,更喜歡加入了草菇與芹菜,沒那麼單調。
 
開胃

總想吃些醒胃的東西,咕嚕雞球吧!酸酸甜甜的雞球,很好下飯。菠蘿、青椒、洋蔥等東西,絕不是茄喱啡,統統唔可以放過。
 
不吃甜品了

沒打算再甜品下場,是晚節目就此完了吧,如無意外......

餐廳資料:
醉瓊樓
長沙灣元州街320A號地下
2729 6298
 

6 則留言:

  1. 我識~我真係識醉瓊樓,你又再一次證明我老餅了!!

    回覆刪除
  2. 我真係唔識, 係咪太年輕啦? XD
    想知下場去邊甜品丫

    回覆刪除
  3. 我唔識但又唔年青,唔通因為我住得山卡拉。^^"

    咕嚕雞球好吸引。

    回覆刪除