2014年3月15日 星期六

王子飯店京川滬廚房 - 跟兩位美女廚神講飲講食



食物:$$$
環境:$$$$
服務:$$$

是晚跟朋友晚飯約會,我們就定了在1881的王子飯店京川滬廚房舉行。唔知點解,王子飯店在我心目中就是一間粵菜館子,突然開一條京川滬新line,我唔係好接受到。不過,這新店子的網上風評不俗,也該一試。

三兩檯客

餐廳環境舒適,全晚只得三兩檯客,生意難做,但對於我們來說,能在安靜的地方傾計用餐,感覺也特別盡興。
 
太粗了吧
稱之為京川滬菜館,那就京、川、滬菜也來一些,全面測試下店家的水準。吩咐了服務生按應有的次序上菜,卻又是麻辣土豆絲先來。薯絲切得粗粗的,不太像樣,需知土豆絲就是看刀功的菜色,所以這個質感雖爽脆,亦帶辣勁,但始終未能滿意。
 
普普通通
隨之而來的京式素鵝,雖然包得實實淨淨,餡了沒有溜晒出來,表面卻有點燶,總之就唔夠靚仔,味道也是平庸得很。
 
應該可以好一點
上海代表就是小籠包,這次賣相比較似樣,以少皮是薄,亦看得出有點湯汁。可是,咬下去,皮是有點黏牙,肉餡未算鮮,雖然不是很差,但我想,在這地方,我可以要求高一點。
 
青紅椒才是主角
再來的一味,係青紅椒五層肉。其實不是五花肉,質感也頗韌,要花氣力咀嚼的項目。這道菜,精華落在兩款辣椒身上,紅的是燈籠椒,清甜爽脆,綠的則是虎皮尖椒,大家可知道吃尖椒是靠彩數,有的完全不辣,有的辣到眼水流,面這次我吃到的,辣度剛合我心水。
 

想不到全晚最好的,竟然係鵝肝啫啫雞煲,這大概不是京川滬菜種吧!打開煲蓋,香氣四溢,鵝肝嫩口沒筋,亦香,雞肉入味,也不會嚡口,確是不錯的。
 
談飲談食的一晚

朋友原本想吃生炒糯米飯,只是嚐過以上的東西後,頓時失去了信心,最終還是放棄了。


餐廳資料:
王子飯店京川滬廚房
尖沙咀廣東道2A號1881 Heritage 2樓209號舖
2366 1308

8 則留言:

  1. 你形容五層肉嘅質感就係我最怕食到嘅texture:(
    睇標題我仲以為有令女相相睇添,hehe!

    回覆刪除
  2. 好古怪呀, 佢都係做返粵菜好D

    回覆刪除
  3. 唔多掂咁WO,平時經過都覺得佢唔多客人既

    回覆刪除
  4. 好彩啫,我本來年三十晚係去呢間的

    回覆刪除