食物:$$$1/2
環境:$$$
服務:$$$
大佬生日,必定要食飯慶祝!
筆者不是五湖四海皆兄弟的人,能夠稱兄道弟,一定是由細玩到大,經歷過人生高低,曾共渡患難日子總有樂趣的。Anyway,總之是晚,我哋三條友就食完咸再去食甜,擦番餐勁既。
吃燒豬 |
揀了長沙灣的正東燒豬料理,大家可能會問,呢間好正架咩? 點解要專登去到長沙灣搵食呀? 無他的,因為我們三人都是在該區長大,總會有點情意結,很多時都想回去逛逛,等於古惑仔的山雞和大天二都會回藍天球場回憶下一樣道理。
星期五的晚上,座無虛席,幸好兩位大佬先來霸位,否則等我放工來到,真係蚊都瞓。
由於我們只得三人,又想多吃點其他東西,所以點了例牌份量的燒豬。還好,質素依然幾好,熱辣辣,皮脆肉香,只是稍為肥了一丁點,但對我們三條麻甩佬來說,當然又不是問題。
來到這裡,肯定是吃香口東西作主打,所以再來一味香口野,炸蝦丸。頗大粒的,佐酒佳品,可惜是欠缺彈牙口感。
服務生推介的蟶子,只是$28/隻,非常抵食,即管又來半打,大家當然是吃豉椒炒的惹味版本。蟶子都尚算肥美,質感爽彈,夾埋青紅椒和洋蔥同吃,果真不俗,不讓乳豬專美。
就是蔬菜也要惹味的,啫啫芥蘭煲。打開煲蓋,香氣四溢,翠綠的芥蘭夠爽脆,還有極惹味的蝦醬,同埋蝦乾,重口味的筆者吃得滿意。
吃過幾道香口惹味的菜色,大家意猶未盡,再去吃甜,長沙灣大把甜品糖水店選擇啦!
餐廳資料:
正東燒豬料理
深水埗元州街231-247號潤發大廈地下A舖
2361 1338
三大個男人食咁少野?
回覆刪除hehe, 劉總不嬲細食啦
刪除係三個都咁細食~
刪除最鍾意D蟶子"肥大肉厚"+"啖啖肉"
回覆刪除YEA, 我都鍾意~
刪除呢餐好古惑仔呢........hahaha
回覆刪除哈, 都幾架~
刪除正啊, 好想食燒乳豬!!!
回覆刪除皮脆肉香, 好吃!
刪除蟶子$28/隻好抵呀..仲要係E隻大蟶子
回覆刪除堅抵, 我以為自己聽錯~
刪除