2013年12月22日 星期日

滿江紅 - 火辣辣的嚴冬



食物:$$$$
環境:$$$1/2
服務:$$$

天寒地凍,十度唔夠,真係冷得唔想返工。咁既天氣,除了烚下烚下之外,吃川菜也很不錯,於是又一局辣聚。話說上次大家去吃新開的川菜館子,瀨左鑊杰撻撻的,今云決定要保守一點,去滿江紅,呢間去過十萬九千次的餐廳,肯定隱陣。

我最愛的涼菜

涼菜先來一味蒜泥白肉,這味也是我的至愛。肥瘦恰到好處的豬肉,口感夠爽,不會乾柴柴的,辣度合適,蒜香充足,夾著青瓜片同吃,是令人停不了口的一道,水準依舊的好。
 
爽脆沒異味
熱菜隨之送上,趁在坐沒有朋友不吃內臟,即時來個火爆腰花。這道菜色辣度輕怡,豬腰質感爽脆,不會很老,沒有異味,配角的四川窩筍爽口好吃。前兩味都唔錯,對接下來的辣菜更加渴望。
 
醒胃
宮保雞丁也是屬BB班辣度的川菜,但個人十分喜歡,這裡的出品,花生己去衣,食落仍是香脆,雞肉是辣中帶出一點醋的酸香,兩者平衡得宜,美味。這味也是考核廚子的必然菜色。
 
蝦殼都可以食埋
火辣菜色要爭相登場,有香辣蝦,刺激的感覺要出來了!蝦是可以連殼食,十分惹味,是佐酒良品,所以ThomasKK立馬整枝啤酒。如果蝦可以再乾身一點,就更加出色。
 
有尋寶的感覺
再來的辣子田雞,既然吃得咁盡興,就要大份的。鋪滿辣椒花椒的一大碟,有在辣椒堆中找田雞的精髓,賣相相信會嚇怕很多人,但這其實才是正宗。田雞肉辣勁十足,麻香非常,就是配角的腰果也很入味,確教人再三回味。
 
不乏水煮菜色
吃四川菜,當然也要有水煮菜色,由於有朋友不吃魚,就改選了水煮牛肉。牛肉是經過化學處理,但至少也不會太假。墊底的苕粉吸盡辣汁的精華,吃慣川菜的大家肯定不會錯過。
 
乾身香脆

意猶未盡,追加一客干煸肥腸,合晒我心水。肥腸較薄身,但咬落相當香脆,刺激度十足,吃得過癮。
 
麻醬擔擔麵
最後有一味麻醬擔擔麵,孤陋寡聞的筆者還是首次吃這款麵條,我還是較愛傳統的小碗有辣味的出品。
 
以備不時之需

辣得開心,辣得盡興,各位辣友,快點再組織麻辣局啦!


餐廳資料:
滿江紅
尖沙咀加連威老道27號1樓及2樓
2312 0823

6 則留言:

  1. 你就好啦,同枱朋友(應該有男有女啦!)都食內臟,我同朋友食飯,除咗自己通常得男仔食,攪到我好似個"佬"咁!

    回覆刪除
    回覆
    1. 下次你返來香港, 一定要同你食餐飯先得啦...Kekeke

      刪除
  2. 真係好盡興,我唔意來多幾次辣局:p

    回覆刪除
    回覆
    1. 你唔介意來多次幾, 定係唔願意來多幾次先 XD

      刪除
  3. 真係好開心,HEHE 我食辣食到飲左成杯洛神花呀
    謝謝你送我去碼頭呀 =]

    回覆刪除