2009年11月2日 星期一

Spuntini - 陽光午餐

食物:$$$$
環境:$$$$
服務:$$$1/2

跟食友們吃晚飯吃甜品就試得多,食中午飯都係第一次。辛苦工作了半天,可以同相熟食友出來吃頓飯談談天,感覺也是不錯。


細心的食友預先訂了檯,可以坐到窗邊位,望出去陽光普照的街景,是悠閒又舒服。服務生奉上的水杯,原來是不倒翁的型態,幾特別幾好玩,亦相信食友已經玩了這隻杯好一段時間,因為我又遲到,真不好意思。


餐前麵包,微暖但不脆口,伴以黑醋和橄欖油食,挺開胃的;前點弄成壽司般,中間換上的是寬條麵,口感帶點煙韌,雖然不算好吃,但賣相精緻有創意,這也值得加分。


玻璃瓶盛著的餐湯,是minestrone,幾有特色。意式菜湯蕃茄味濃郁,亦有豐富的什菜粒,很有風味。


主菜兩款,大家share食。Parma ham risotto,故名思意是用巴馬火腿包著意大利飯,意大利飯圓潤肥美,有咬口,芝士味濃香十足,巴馬火腿咸香軟熟,上面加上大量我喜歡的火煎菜,水準比預期要好。


我選的煙三文魚意粉用玻璃碟上,賣相精緻吸引,可惜味道相對失色。三文魚茸味不鮮不香,意大利粉不但沒有彈牙質感,甚至是有點韌,味道亦平平無奇,叫人失望。


Set Lunch只包餐湯和飲品,這當然滿足不了我們。加錢要了兩款甜品,分別係Tiramisu及鮮果乳酪。先講Tiramisu,吃不出酒香味,換來的卻是點點的杏仁味道,效果也不錯。頭幾啖的質感幾實在,可是吃到杯底時卻竟然是全濕的,這點要認真改善。


Fruit Yogurt就鮮果粒再淋上乳酪,沒有什麼難度,酸酸地又帶點果粒的鮮甜,亦不失美味。


傾吓講吓,不經不覺又一個多小時,在千萬個不願意之下仍然要埋單返公司搏殺。不過大家已經有了共識,在不久的將來會再約埋食lunch,而下個目標也就是附近的La fleur,真期待這日的來臨。

餐廳資料:
Spuntini
灣仔聖佛蘭士街4-6號地下A店
2528 1060

3 則留言:

  1. 間餐廳想試咗好耐, 依家睇完, 我知帶朋友去邊庶食lunch了! Btw, 你個Blog寫得唔錯呀, 繼續努力!!

    回覆刪除
  2. 隻杯好似幾得意, 放埋張相上o黎嘛~

    回覆刪除
  3. 莎莉:多謝誇獎!呢間餐廳真係值得一試的~

    Maggie: 下次send張相俾你睇

    回覆刪除