自己人 - 潮爆可愛點心

食物：$$$$
環境：$$$$
服務：$$$$

荃新天地最近開左間新餐廳，叫做自己人 (Gaginang)。不難想像，是主打潮州菜式。

剛開業時，店子做緊不同形式的優惠，如我幫襯的那時，只要下載APP登記做會員，全場點心半價 (文章出街時該項優惠已完結)。

既然咁筍，餐廳又咁近我家，無理由唔嚟試試。

裝潢跟上手的唐宮小聚沒多大轉變，只是牆身畫了幾幅自己人的畫而已。

首次前來，要幾款點心小試牛刀即可。鮮荔枝球，造型就是荔枝的樣子，咬落外層唔會好硬，裡頭也真有荔枝肉，蠻有趣。

鐵板麻辣小籠包，所謂的鐵板上，形式而已，並沒有熱燙或保溫的作用。橙色的小籠包，一口Size，麻辣味尚算強勁，但迷你的身型，湯汁自然有限。

外型似雀仔的點心，查實是鳳梨酥，味道不俗，係雀仔既表情有點疑惑，哈哈~

熊仔造型的包點，係朱古力包，吃時要小心，因為朱古力漿好爆，要不是射到同枱朋友就尷尬了。

差點忘了，新會員仲有杯鴨屎香檸檬茶送，都OK架喎!

餐廳資料:
自己人
荃灣楊屋道1號荃新天地UG樓UG43&81號舖
25109088