樂園 - 吃在龍城變天前 (2)

食物：$$$1/2
環境：$$$1/2
服務：$$$1/2

九龍城重建，已經是鐵一般的事實，趁還有機會，快快品嚐想吃想回憶的味道吧！

明年其中一個會遷拆的範圍，是市政大廈，裡頭包括有街市、熟食中心，以及運動場。

筆者對呢個市政大廈都有一點點感覺，還記得好多年前的學界乒乓波比賽，這兒就是賽場，那時運動場仍是沒有冷氣的。

中場休息的午膳時間，帶隊阿Sir一定係帶我哋嚟樂園開餐，當年一個碟頭飯，加杯奶茶紅豆冰，已經開心到不得了。

N年後再次踏足樂園，環境沒什麼改變，最大既變化，係要自己用QR Code落單，估唔到街市既熟食中心都會咁與時並進。

因為打算有下場，所以同老豆只叫左少少嘢淺嚐作回味就是。煎蝦米腸粉，勝在熱得燙口，麻醬甜醬已徹底地沾滿每一氣腸粉，又好難會唔好食既。

另外柯打了沙嗲牛肉西多士，簡單來說就係將沙牛釀左入西多士內，面頭仍會加牛油和糖漿，所以味道就是咸咸甜甜。

即炸既西多，夠熱夠香脆，裡頭既牛肉不韌，餡料都多，但就欠缺沙嗲的氣息，就當是吃牛肉西多士吧～

今時今日喝紅豆冰西多士，已再沒有驚為天人的味道，或者是自己的見識多了，又或許是味道的出品已不復當年，我不肯定。

有時候，我們只是吃些回憶。

餐廳資料:
樂園
 九龍城衙前圍道100號九龍城市政大廈3樓6號舖
23823367