PASTEAKO - 輕鬆意大利風

食物：$$$1/2
環境：$$$$
服務：$$$$

今年的「778生日聚」第二回，大家來到PMQ新開的意大利餐館Pasteako，要多謝Oli既細心挑選與安排。

雖說PMQ是個好地方，但大熱天時，從地鐵站走上來，都咪話唔係嘢。

店子的確好有意式酒館的格調，令我聯想起金域假日酒店的Osteria。

餐牌好簡單，因只提供套餐，沒有散點。由於會有牛扒，所以大家又可以像去扒房般揀自己心水的刀，今次我既選擇係呢把Caping Knife。

先上沙律，不同顏色的番茄、BB菠菜、檻欖與及果仁，簡單放點檻欖油，天然味美。沙律還可以無限添加，同店員講聲就是。

之後是Paste和牛扒，起初以為係分開兩碟上，原來是用隻大碟，一次過端上來。

是日剛好五人行，可以試齊餐牌上的五款Pasta。據店員介紹，寬條麵和意粉是自家製作，其餘的蜆殼粉、短管麵，以及蝸牛粉則是現成貨。然而，幾款現成貨伴以番茄醬，都幾好食的。

至於手造的寬條麵，口感煙韌，配上松露醬，同埋店員起勢咁刨既芝士，味道好濃郁。意大利飯的口感亦沒有遷就香港人，有嚼勁，都好重口味。

牛扒係熟成21日的西冷或者肉眼，均要了Medium Rare，坦白說出來還是大概Medium的狀況。兩者之中，平時我較喜歡吃肉眼，但今次我會投西冷一票。

忽然聽到店員打噹噹，說時Pasta時間，之後拿起一大盤的青醬長通粉繞場，為客人免費添加，氣氛頓時被炒熱。再講，呢個青醬長通粉，估佢唔到咁好食。

甜品係提拉米蘇，意大利家庭式玩法，大大盤拿上來再「筆」俾食客，同埋係客人面前刨上朱古力碎，好互動。

由於打算有下場，所以也不在這裡喝咖啡了。

餐廳資料:
PASTEAKO
中環鴨巴甸街35號元創方B座Hollywood地下HG01-HG05號舖
23300129