Liberty Coffee & Wine - 實而不華的Cafe

食物：$$$$
環境：$$$1/2
服務：$$$$

七月，充滿感恩的月份，一餐又一餐的生日飯，多謝大家的厚愛。

其中一餐是吃Liberty Coffee & Wine。雖然餐廳位於油麻地，但出品一啲都唔「油麻地」，我覺得係唔差。

大熱天時，坐低先叫杯嘢飲最實際。開心果沙冰係店家既招牌，要一試。幾濃香的，開心果大概會好中意，但質感唔太似沙冰。

柯打完主菜，店員奉來餐湯與餐包，牛角酥相信是來貨，比較平凡。

意粉的質感蠻好，明太子素來是我的心頭好，所以我俾合格以上分數，再加上頂頭火侯控制得宜的帶子，偏重口味，佐我喜歡。

蟹羔蟹肉意大利飯是店自慢菜色，蟹肉成份蠻多，以Cafe水準而言，呢個意大利飯的質感算做得幾好了。原隻蟹蓋放上面，內裡是澎湃的蟹羔，邪惡非常。將蟹羔撈埋意大利飯來吃，不羨仙。

最後的兩款蛋糕我都喜歡，尤以柚子芝士餅為甚，真心多謝好友的悉心安排！

估唔到結尾的伯爵茶，是用茶葉而唔係茶包，仲要幾慷慨，茶味自當更濃郁。

題外話，見隔離舖位那家天婦羅店超長龍，在今時今日既市道而言可謂奇葩，跟好友說過下次就去試試。

餐廳資料:
Liberty Coffee & Wine
油麻地窩打老道33號翠園大廈地舖
66085231