食物：$$$1/2
環境：$$$$
服務：$1/2
每年的「七七八」，我哋都會有兩回的生日聚會，縱使今年的市道唔太好，大家都要勒緊褲頭，我哋仍堅持出來見下面，那怕只是吃些平價美食。
商議過後，決定前來中環的 Daap，細心的車媽媽還帶來了生日蛋糕。
準時十二點到達，當時仍未有客人，可以周圍影下相，呢間小店的裝潢總算有點特色。午餐選擇並不多，一張餐牌走天涯。沙律餐湯二揀一，我哋四條友，就各二吧！
本身喜歡吃冰菜，但以冰菜做沙律，個人又有些少保留，只因我覺得係唔夾。反而個羊肚菌烤栗子湯我又幾欣賞，有夠濃郁。四個人之中，三位揀了吃手工意粉，當然是不同的口味。其中的腊腸卡邦尼意粉，大家最有期望。賣相合格，頂頭的溫泉蛋有分加。粗身手工麵條口感可以，這個中西合璧的作品，至少唔難食，創意可嘉。
第二款意粉，係避風塘炒蟹肉口味，畢竟是小店經營模式，全部的意大利麵條都是一樣的了。至於那避風塘炒蟹肉，大家都覺得更似薑蔥炒蟹的味道，是我們的認知有所不同嗎?最後一款意粉，用上了阿根廷紅蝦、蝦醬及蝦乾作配料，但味道沒想像中重口味，我可以接受更濃郁既蝦醬的。今次既我，沒挑意粉，反而選來了脆皮雞卷。其實做得幾好，雞皮香脆，雞卷質感實在，伴以幾特別的芝麻人參汁，汁醬沒太甘苦的人參味，有趣！吃至此時，時間為十二點五十分，其實主菜我哋都未清掉，店員拿張單來要求我們結帳...
甜品都未叫喎！
飲品都沒點喎！
(甜品與飲品都要額外加錢，我哋亦有打算柯打，點解問都唔問就出單要人埋單?)
生日蛋糕當然不在這裡切了 (雖然訂位時己再三打電話加Whatsapp確認可以安排)，恰巧我心目中有間想去已久的Cafe就在不遠處，唯有轉戰下場~
咁趕(客)🙄
回覆刪除哈哈哈...
刪除